592-باپقا وزگەرتۋلەر مەن تولىقتىرۋلار ەنگىزىلدى.
ق ر ادىلەت مينيسترلىگى "قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى" زاڭ جوباسىن ازىرلەدى، دەپ حابارلايدى Almaty-akshamy.kz
كولىك قۇرالى قوزعالىسىنىڭ بەلگىلەنگەن ءجۇرۋ جىلدامدىعىن ساعاتىنا 40-تان 80 شاقىرىمعا دەيىن ارتتىرعانى ءۇشىن 20 اەك مولشەرىندە (69 000 تەڭگە) ايىپپۇل سالىنادى.
ال كولىك قۇرالى قوزعالىسىنىڭ بەلگىلەنگەن ءجۇرۋ جىلدامدىعىن 80 جانە ودان استام شاماعا ارتتىرۋ 40 اەك مولشەرىندە (138 000 تەڭگە) ايىپپۇل سالۋعا الىپ كەلەدى.
اكىمشىلىك جازا قولدانىلعاننان كەيىن ءبىر جىل ىشىندە قايتالاپ جاسالعان ارەكەتتەر 60 اەك (207 000 تەڭگە) مولشەرىندە ايىپپۇل سالۋعا الىپ كەلەدى.
593-باپ تا ("جول ءجۇرiسi قاعيدالارىندا كوزدەلگەن جولاۋشىلاردى جانە جۇكتەردi تاسىمالداۋ، قاۋiپسiزدiك بەلدىكتەرiن نەمەسە موتوشلەمدەردi پايدالانۋ جونىندەگى تالاپتاردى ساقتاماۋ") وزگەرتىلدى.
وندا جولاۋشىلاردى كولىكتىڭ كابيناسىنان تىس تاسىمالداۋعا، سونداي-اق كولىك قۇرالىنىڭ تەرەزەلەرى مەن ليۋكتەرىنە شىعىپ كەتۋگە، ەسىكتەردى اشۋعا جانە كولىك جۇرگىزۋ كەزىندە باسقا دا وسىعان ۇقساس ارەكەتتەردى جاساۋعا جول بەرگەنى ءۇشىن جازا قاراستىراتىن جاڭا تارماق پايدا بولدى.
بۇل ارەكەتتەرگە 10 اەك (34 500 تەڭگە) كولەمىندە ايىپپۇل بەلگىلەندى.
قوزعالىس كەزىندە جولاۋشىلار كولىك قۇرالىنىڭ سالونىنان تىس جەردە بولعان كەزدە ونىڭ تالابىن ساقتاماۋى 10 اەك مولشەرىندە ايىپپۇل سالۋعا اكەپ سوعادى.
كودەكستىڭ 46-بابىنىڭ ءتورتىنشى بولىگىنە سايكەس، ارناۋلى قۇقىقتان ايىرۋ قولدانىلمايتىن ادامدار جاساعان ارەكەت وتىز ايلىق ەسەپتىك كورسەتكىش مولشەرىندە ايىپپۇل سالۋعا الىپ كەلەدى.
كولىك قۇرالدارىنىڭ، جۇكتەردىڭ، جولداردىڭ، جول جانە وزگە دە قۇرىلىستاردىڭ نە وزگە دە مۇلىكتىڭ ماتەريالدىق زالال كەلتىرۋىنە اكەپ سوققان، وسى باپتىڭ ءۇشىنشى بولىگىندە كوزدەلگەن ىس-ارەكەت 9 اي مەرزىمگە كولىك قۇرالدارىن جۇرگىزۋ قۇقىعىنان ايىرۋعا اكەپ سوعادى.
زاڭ جوباسى 13 ناۋرىزعا دەيىن تالقىلاۋ ءۇشىن اشىق نقا سايتىندا جاريالاندى.