سينوپتيكتەر قازاقستاننىڭ 15 وبلىسىندا اۋا رايىنا بايلانىستى ەسكەرتۋ جاريالادى.
بۇل تۋرالى «قازگيدرومەت» رمك باسپا ءسوز قىزمەتى حابار تاراتتى، دەپ حابارلايدى aqshamnews.kz.
7 قازاندا وڭتۇستىكتە، جامبىل وبلىسىنىڭ تاۋلى ايماقتارىندا نايزاعاي ويناپ، كۇن كۇركىرەيدى.
اتىراۋ وبلىسىندا كۇندىز وبلىستىڭ باتىسىندا جانە سولتۇستىگىندە وڭتۇستىك-شىعىستان جەل سوعادى، ەكپىنى 15-20 م/س جەتەدى. وبلىستىڭ باسىم بولىگىندە جوعارى ءورت ءقاۋپى ساقتالادى.
اقمولا وبلىسىنىڭ باسىم بولىگىندە جوعارى ءورت ءقاۋپى ساقتالادى.
باتىس قازاقستان وبلىسىندا وڭتۇستىكتەن، وڭتۇستىك-شىعىستان، كۇندىز باتىستان جەل سوعادى، ەكپىنى 15-20 م/س. وبلىستىڭ سولتۇستىگىندە جوعارى ءورت ءقاۋپى ساقتالادى.
ۇلىتاۋ وبلىسىنىڭ باسىم بولىگىندە، وبلىستىڭ شىعىسىندا جوعارى ءورت ءقاۋپى ساقتالادى.
قاراعاندى وبلىسىنىڭ باسىم بولىگىندە، وبلىستىڭ باتىسىندا جانە شىعىسىندا جوعارى ءورت ءقاۋپى ساقتالادى.
سولتۇستىك قازاقستان وبلىسىندا سولتۇستىك-باتىستان جەل سوعادى، كۇندىز وبلىستىڭ سولتۇستىگى مەن شىعىسىندا ەكپىنى 15-20 م/س جەتەدى.
كۇندىز اباي وبلىسىنىڭ وڭتۇستىگىندە، شىعىسىندا جانە ورتالىعىندا نايزاعاي ويناپ، كۇن كۇركىرەيدى. وڭتۇستىك-باتىستان سوققان جەل سولتۇستىك-باتىس جەلىنە اۋىسادى، وبلىس ورتالىعىندا جەل جىلدامدىعى 15-20 م/س. وڭىردە جوعارى ءورت ءقاۋپى ساقتالادى.
شىعىس قازاقستان وبلىسىنىڭ شىعىسىندا كۇندىز نوسەر جاۋان جاۋادى. وڭتۇستىكتەن سوققان جەل وبلىستىڭ سولتۇستىگى مەن شىعىسىندا سولتۇستىك-باتىس جەلىنە اۋىسادى، جىلدامدىعى 15-20 م/س. وبلىستىڭ سولتۇستىگىندە، وڭتۇستىگىندە جانە باتىسىندا جوعارى ءورت ءقاۋپى ساقتالادى.
تۇركىستان وبلىسىنىڭ باسىم بولىگىندە جوعارى (5-كلاستى) ءورت ءقاۋپى ساقتالادى.
قوستاناي وبلىسىنىڭ باتىسىندا جانە وڭتۇستىك-شىعىسىندا جوعارى ءورت ءقاۋپى ساقتالادى. وبلىستىڭ وڭتۇستىگىندە اسا جوعارى ءورت ءقاۋپى ساقتالادى.
كۇندىز باتىستا، ماڭعىستاۋ وبلىسىنىڭ ورتالىعىندا داۋىل سوعادى. كۇندىز وڭتۇستىك-شىعىستان سوعاتىن جەل جىلدامدىعى وبلىس ورتالىعىندا 15-20 م/س جەتەدى. وبلىستىڭ وڭتۇستىك-باتىسىندا جانە وڭتۇستىك-شىعىسىندا جوعارى ءورت ءقاۋپى ساقتالادى.
پاۆلودار وبلىسىنىڭ سولتۇستىگىندە جانە شىعىسىندا سولتۇستىك-باتىستان جەل سوعىپ، جىلدامدىعى 15-20 م/س جەتەدى. وبلىستىڭ باتىسىندا، وڭتۇستىگىندە جانە شىعىسىندا جوعارى ءورت ءقاۋپى ساقتالادى.
كۇندىز جەتىسۋ وبلىسىنىڭ تاۋلى ايماقتارىندا كەي جەرلەردە قاتتى جاۋىن-شاشىن (جاڭبىر، قار) بولۋى مۇمكىن. كۇندىز شىعىستا، وبلىس ورتالىعىندا نايزاعاي وينايدى. سولتۇستىك-شىعىستان جەل سوعادى، وبلىستىڭ شىعىسىندا ەكپىنى 15-20 م/س.
كۇندىز الماتى وبلىسىنىڭ تاۋلى ايماقتارىندا كەي جەرلەردە قاتتى جاۋىن-شاشىن (جاڭبىر، قار) كۇتىلەدى. وڭتۇستىكتە، وبلىستىڭ تاۋ بوكتەرىندە نايزاعاي وينايدى. باتىستان سولتۇستىك-شىعىسقا قاراي جەل سوعادى، وبلىستىڭ وڭتۇستىك جارتىسىندا ەكپىنى 15-20 م/س.