تاشكەنتتە جوعالىپ كەتكەن ايەل ءۇش كۇننەن كەيىن ليفتىدەن ءولى تابىلدى.
جەدەل ساتى بىرنەشە كۇن بويى بۇزىلىپ تۇرعان، - دەپ حابارلايدى Almaty-akshamy.kz Nova24.uz مالىمەتىنە سىلتەمە جاساپ.
وقيعا 24 شىلدەدە تاشكەنتتىڭ ميرزو-ۇلىقبەك اۋدانىنداعى پاركەنت كوشەسىندەگى ۇيلەردىڭ بىرىندە بولعان.
اقپارات دەرەككوزى: https://massaget.kz/basty-zhaalytar-438/87902/
26 شىلدەدە ايەلدىڭ تۋىستارى ادام جوعالعانى تۋرالى ارىزبەن قۇقىق قورعاۋ ورگاندارىنا جۇگىنگەن. ىزدەستىرۋ جۇمىستارىنىڭ ءۇشىنشى كۇنى، ياعني 27 شىلدەدە قايتىس بولعان ايەلدى قىز تاۋىپ العان. ونىڭ ايتۋىنشا، ليفت شاقىرعاندا ايەلدىڭ جاتقانىن كورگەن جانە ونى ۇيىقتاپ جاتىر دەپ ويلاعان.
كەيىن ۆيدەودان ايەلدىڭ 24 شىلدەدە ليفتكە كىرگەنى انىقتالعان. ول جوعارعى قاباتتاردىڭ بىرىندە تۇرىپ قالعان ەكەن.
"جاڭا عيماراتقا ادامدار ءالى تولىق قونىستانعان جوق، كورشىلەرىنىڭ ەستۋى مۇمكىن ەمەس ەدى. وعان ەشكىم كومەككە كەلمەگەن، سودان قايتىس بولعان. ول بۇگىن تۇندە تابىلدى. وتباسىنا كوڭىل ايتامىز. بۇل قورقىنىشتى ءولىم"، - دەپ جازادى بلوگەر قايعىلى وقيعاعا قاتىستى.
باس پروكۋراتۋرا ليفتتە تۇرىپ قالعان ايەلدىڭ ءولىمىنىڭ سەبەبىن اتادى.
"الدىن الا مەديسينالىق قورىتىندى بويىنشا، مارقۇمنىڭ ولىمىنە جۇرەكتىڭ يشەميالىق اۋرۋى، جەدەل جۇرەك-قان تامىرلارى جانە تىنىس الۋ جەتكىلىكسىزدىگى سەبەپ بولعان. تەكسەرۋ بارىسىندا ءۇي تۇرعىندارى ليفت بىرنەشە كۇننەن بەرى ىستەن شىققانىن جانە مۇنداي بۇزىلۋ ءجيى بايقالاتىنىن ءتۇسىندىردى"، - دەلىنگەن باسىلىم جازباسىندا.
باس پروكۋراتۋرا مالىمەتىنشە، 24-28 شىلدە ارالىعىندا ليفت ىستەن شىققان. ۆەدومستۆو بۇل وقيعانى مامانداردى تارتا وتىرىپ، تەرگەۋگە دەيىنگى تەكسەرۋ اياسىندا زەرتتەيتىنىن، سودان كەيىن قۇقىق قورعاۋ ورگاندارى قىلمىستىق ءىس قوزعاۋ تۋرالى شەشىم قابىلدايتىنىن مالىمدەدى.
اقپارات دەرەككوزى: https://massaget.kz/basty-zhaalytar-438/87902/