ءار جۇرگىزۋشى جۇرگىزۋشى كۋالىگىنىڭ جوعالۋىنا، قولدانىلۋ مەرزىمىنىڭ اياقتالۋى نەمەسە تەگىنىڭ اۋىسۋ سەبەبى بويىنشا قالپىنا كەلتىرۋ قاجەتتىلىگىنە تاپ بولۋى مۇمكىن. مۇنى قالاي جاساۋعا بولاتىنى جايىندا اlmaty-akshamy.kz سايتىنىڭ ءتىلشىسى "ازاماتتارعا ارنالعان ۇكىمەت "مك" كەاق الماتى وبلىسى بويىنشا فيليالىنان سۇراپ كوردى.
جۇرگىزۋ قۇقىعىن قالپىنا كەلتىرۋ ءۇشىن قىزمەتالۋشى ماماندىرىلعان حالىققا قىزمەت كورسەتۋ ورتالىعىنا جۇگىنۋ قاجەت. وزىڭىزبەن بىرگە جەكە باسىن كۋالاندىراتىن قۇجات جانە مەملەكەتتىك باجدىڭ تولەنگەنى تۋرالى چەك بولۋى قاجەت. ەگەر جۇرگىزۋشى كۋالىگىنىڭ مەرزىمى ءوتىپ كەتسە، مەديسينالىق انىقتاما قاجەت بولادى، - دەيدى فيليالدىڭ وكىلى.
سونداي-اق، جۇرگىزۋشى كۋالىگىن قايتا شىعارۋ كەزىندە تەوريالىق جانە پراكتيكالىق ەمتيحانداردى قايتا تاپسىرۋ تالاپ ەتىلمەيدى.
ايتا كەتەيىك، مەملەكەتتىك قىزمەت كورسەتۋ مەرزىمى قۇجاتتاردى تاپسىرعان ساتتەن باستاپ 2 ساعاتتان اسپايدى.
ايتا كەتۋ كەرەك، بيىلعى جىلدىڭ العاشقى بەس ايىندا الماتى وبلىسىندا 10.746 جۇرگىزۋشى كۋالىگى بەرىلگەن.