11 قازاننان باستاپ جەزقازعان-شىمكەنت باعىتىندا اۋە رەيسى اشىلادى.
بۇل ۇلىتاۋلىقتار ءۇشىن كوپتەن كۇتكەن جاڭالىق. سۋبسيديالانعان رەيس اپتاسىنا ەكى مارتە سارسەنبى جانە جەكسەنبى كۇندەرى قاتىنايدى. كەشەدەن بەرى بيلەت ساتىلا باستادى. باعاسى 15 مىڭ تەڭگە، دەپ حابارلايدى اlmaty-akshamy.kz 24.kz-كە سىلتەمە جاساپ.
ال 14 جاسقا دەيىنگى بالالار ءۇشىن 50 پايىز جەڭىلدىك قاراستىرىلعان. جالپى وبلىستى ەلىمىزدىڭ ءىرى قالالارىمەن اۋە جولى ارقىلى بايلانىستىرۋ ءوڭىردى دامىتۋدىڭ كەشەندى باعدارلاماسىنا ەنگەن. كەلەر جىلى تاعى بىرنەشە باعىت بويىنشا رەيس اشۋ جوسپاردا.
ەرنۇر ەدىلبايەۆ، وبلىستىق جولاۋشىلار كولىگى جانە اۆتوكولىك جولدارى باسقارماسىنىڭ ءبولىم باسشىسى:
- وسى ۋاقىتقا دەيىن ەڭ باستى سۇرانىس شىمكەنت قالاسىنا بولدى. ءبىز ەندى ونى قولعا الىپ، وسى 11 قازاننان باستاپ اشىپ جاتىرمىز. ەندىگى سۇرانىس وسكەمەن مەن بالقاش قالاسىنا. وسى ەكەۋىنە اشقاننان كەيىن اقتاۋ قالاسىن قولعا الامىز، سول باعىتتا جۇمىس ىستەيمىز.