ماماندار ازاماتتاردى اۋا رايىنىڭ وزگەرۋىن باقىلاپ، ساقتىق شارالارىن ساقتاۋعا شاقىرادى.
الماتى وبلىسىنىڭ توتەنشە جاعدايلار دەپارتامەنتى 2-4 ناۋرىز كۇندەرى جاۋىن سالدارىنان تاۋلى وزەندەردەگى سۋ دەڭگەيىنىڭ كوتەرىلەتىنىن ەسكەرتۋدە، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازگيدرومەت» كاسىپورنىنىڭ مالىمەتىنشە، 2-4 ناۋرىز ارالىعىندا الماتى وبلىسىنىڭ تاۋلى ايماقتارىندا جاۋىن-شاشىن بولادى. تاۋ وزەندەرىندە سۋ دەڭگەيىنىڭ كوتەرىلۋى جانە بەتكەي اعىنداردىڭ قالىپتاسۋى كۇتىلۋدە»، - دەلىنگەن ۆەدومستۆونىڭ باسپا ءسوز قىزمەتى تاراتقان حابارلامادا. توتەنشە جاعدايلار دەپارتامەنتى ازاماتتاردى اۋا رايىنىڭ وزگەرۋىن باقىلاپ، ساقتىق شارالارىن ساقتاۋعا شاقىرادى.
بۇعان دەيىن ق ر توتەنشە جاعدايلار ءمينيسترى يۋريي يلين بيىلعى كوكتەمدە سۋ باسۋ ءقاۋپى بار ايماقتاردى اتاعان بولاتىن. الماتى وبلىسى تاۋەكەلى ورتاشا ايماققا جاتادى.