جەرگىلىكتى فەرمەرلەردىڭ ءال-اۋقاتى وسى جەردەگى سۋعا بايلانىستى.
الماتى وبلىسىندا كوپ جىلدان بەرى اۋىل شارۋاشىلىعىمەن شۇعىلدانىپ كەلە جاتقان فەرمەلرەر ۇستىمىزدەگى جىلى سۋ تاپشىلىعىن كورمەدىك دەگەندى ايتىپ وتىر، دەپ حابارلايدى Almaty-akshamy.kz.
قازاقستاننىڭ ەكولوگيا مينيسترلىگى «قىرمىسحان» شارۋا قوجالىعىن مىسالعا كەلتىرىپ وتىر. بۇل شارۋاشىلىق سۋارمالى سۋدى د.قونايەۆ اتىنداعى ۇلكەن الماتى كانالىنان الادى.
اسان ابلايەۆتىڭ اۋدانى 600 گەكتاردى قۇرايتىن شارۋاشىلىعى الماتى وبلىسى ەڭبەكشىقازاق اۋدانى بيجانوۆ اۋىلىندا ورنالاسقان. فەرمەر 20 جىلدان بەرى اۋىل شارۋاشىلىعىمەن اينالىسىپ كەلەدى. سويا، بيداي، س ۇلى، جۇگەرى، جوڭىشقا ءوسىرىپ، ەلىمىزدىڭ اگروونەركاسىبى سالاسىنا سۇبەلى ۇلەس قوسۋدا. سونداي-اق، مال شارۋاشىلىعىمەن دە اينالىسادى. سيىر ءسۇتىن قازاقستاننىڭ ءىرى ءسۇت وڭدەۋ زاۋىتتارىنىڭ بىرىنە جەتكىزەدى.
«ۇلكەن الماتى كانالىنىڭ باسشىلىعى جەرگىلىكتى شارۋا قوجالىعى يەلەرىمەن كەزدەسىپ، كوتەرىلگەن بارلىق وزەكتى ماسەلەلەردى تالقىلاپ، ولاردى شەشۋگە باسىمدىق بەرۋدە. كەمشىلىكتەر جۇمىس بارىسىندا تۇزەتىلىپ جاتىر. بىزگە جاقسى سۋارۋدى قامتاماسىز ەتۋ ءۇشىن ۇسىنىستار بەرىلەدى، مىسالى، ەگىستىكتى بىرنەشە ۇياشىقتارعا بولسە، سۋارۋ تيىمدىرەك بولاتىنى ايتىلدى»، – دەدى اسان ابلايەۆ.
سۋدى ۇنەمدەيتىن تەحنولوگيالاردى، مىسالى، جاڭبىرلاتاتىن قوندىرعىنى ورناتۋعا كەلەر بولساق، فەرمەردىڭ ايتۋىنشا، ونىڭ مۇنداي ۇلكەن سالىمدار ءۇشىن ءالى قارجىلىق مۇمكىندىكتەرى جوق، سوندىقتان بۇگىندە بۇل ماسەلەدە تەك مەملەكەتتەن ءۇمىت كۇتەدى.
«تامشىلاتىپ سۋارۋعا كەلەتىن بولساق، ول بارلىق جەردە قولايلى ەمەس. مىسالى، جوڭىشقا ۇزدىكسىز سۋارۋدى قاجەت ەتەدى»، - دەيدى اسان ابلايەۆ.
فەرمەردىڭ ايتۋىنشا، ەگىستىك القابى تاۋلى-تاستى. سول سەبەپتەن سۋارمالى سۋ كوپ مولشەردە قاجەت. "بۇگىن سۋارعاننان كەيىن ءبىر اپتا سۋارماساڭ، ءبارى كەۋىپ قالادى: 40 سم توپىراقتىڭ استى تاس. وسى سەبەپتى ءبىز ءجيى سۋارۋىمىز كەرەك. الايدا قاراجات ماسەلەسى قىمباتقا شىعادى».
اسان ابلايەۆتىڭ شارۋا قوجالىعىندا 25 ادام جۇمىس ىستەيدى. اۋداندا دا ءىرى فەرمەرلەرى بار. ولاردىڭ ءال-اۋقاتى وسى جەردەگى سۋعا بايلانىستى.