جەتىسۋ وڭىرىندە ۇلتتىق سپورت جاقسى دامىپ كەلەدى

وتكەن جىلى 30 وبلىستىق، 9 رەسپۋبليكالىق، 1 حالىقارالىق جارىس ۇيىمداستىرىلعان. 

الماتى وبلىسىندا ۇلتتىق سپورت جاقسى دامىپ كەلەدى. بۇل تۋرالى «Jetisý Media» اقپاراتتىق الاڭىندا وتكەن بريفينگتە الماتى وبلىسى دەنە شىنىقتىرۋ جانە سپورت باسقارماسىنىڭ باسشىسى نۇرباقىت تەڭىزبايەۆ ايتىپ بەردى، دەپ حابارلايدى Almaty-akshamy.kz Baq.kz سىلتەمە جاساپ.

«الماتى وبلىسىندا ۇلتتىق سپورت تۇرلەرى بويىنشا 3 سپورت مەكتەبى جانە 1 ورتالىق قىزمەت كورسەتىپ جاتىر. مەكتەپتىڭ ءبىرى تالدىقورعان قالاسىنداعى يپپودرومدا جۇمىس ىستەپ جاتىر. ول جەردە 29 باپكەر كۇرەس، قازاق كۇرەسى، قۇسبەگىلىك، اۋدارىسپاق، جامبى اتۋ سياقتى سپورت تۇرلەرىنەن ماشىقتاندىرىپ جاتىر. اۋدانداردا سپورت فيليالدارى بار. ول جەردە 10-20 جاس ارالىعىنداعى بالالارعا ۇلتتىق سپورت بويىنشا ساباق وتكىزىلىپ جاتىر. بۇگىندە وندا 511 سپورتشى بار. يپپودرومدا پاندەمياعا بايلانىستى 2020 جىلدان بەرى ەشقانداي ءىس-شارا وتكىزىلمەدى»، - دەدى نۇرباقىت تەڭىزبايەۆ.

ونىڭ ايتۋىنشا، 2022 جىلى وڭىردەگى اۋىلدار مەن اۋدان ورتالىقتارىندا ۇلتتىق سپورتتان كوپتەگەن ءىس-شارا وتكىزىلەدى.

«مامىر ايىندا جەڭىس كۇنىنە وراي وبلىس اكىمىنىڭ كۋبوگى مەن وزگە دە ۇلتتىق سپورت تۇرىنەن ويىندار وتكىزىلەدى. ال، قاپشاعاي قالاسىنداعى ات سپورتى مەكتەبىندە كوكپار، جامبى اتۋ ويىندارىمەن قاتار وليمپيادالىق ويىن تۇرلەرىنەن ات سپورتى تۇرلەرى جاتتىقتىرىلادى. وندا ءقازىر 207 بالا ۇلتتىق سپورت ءتۇرى بويىنشا جاتتىعادى»، - دەدى ول.