جەتىسۋ وبلىسىنىڭ اكىمى بولىپ بەيبىت يسابايەۆ تاعايىندالدى، دەپ حابارلايدى Almaty-akshamy.kz Inform.kz-كە سىلتەمە جاساپ.
ءوڭىر باسشىسى قىزمەتىنە ەكى كانديدات — ىلە اۋدانىنىڭ اكىمى باعدات قاراسايەۆ پەن سەناتور بەيبىت يسابايەۆ ۇسىنىلدى. حالىق قالاۋلىلارىنىڭ باسىم داۋىسىنا سەناتور بەيبىت يسابايەۆ يە بولدى. بەيبىت يسابايەۆ 106، باعدات قاراسايەۆ 35 داۋىس جينادى.
بەيبىت يسابايەۆ 1962 جىلى 4 جەلتوقساندا دۇنيەگە كەلگەن. ءبىلىمى
1985 ج. - س.م. كيروۆ اتىنداعى قازاق مەملەكەتتىك ۋنيۆەرسيتەتىن جۋرناليست ماماندىعى بويىنشا بىتىرگەن.
1999 ج. – قازاقستان رەسپۋبليكاسى سىرتقى ىستەر مينيسترلىگىنىڭ ديپلوماتيالىق اكادەمياسىن حالىقارالىق مامان دەگەن ماماندىق بويىنشا ءتامامداعان.
ەڭبەك جولى:
1985-1987 جج. – قازاق سسر-نىڭ تەلە-راديو كورسەتىلىم جونىندەگى مەملەكەتتىك كوميتەتىنىڭ رەداكتورى.
1987-1991 جج. - «لەنينشىل جاس» رەسپۋبليكالىق گازەتىنىڭ ءتىلشىسى، ءبولىم مەڭگەرۋشىسى.
1991-1994 جج. - «وركەن»، «گوريزونت» گازەتتەرى رەداكتورىنىڭ ورىنباسارى، رەداكتورى.
1994-1995 جج. - قازاق مەملەكەتتىك تەليەۆيدەنياسىنىڭ باس ديرەكتورى، الماتى قالاسى اكىمشىلىگى باسشىسىنىڭ ورىنباسارى، باسشىسى، الماتى قالاسى اكىمدىگى ىشكى ساياسات كوميتەتىنىڭ ءتوراعاسى. 1995-1997 جج. – الماتى قالاسى اكىمىنىڭ ورىنباسارى.
1997-1999 جج. – قازاقستان رەسپۋبليكاسى سىرتقى ىستەر مينيسترلىگى ديپلوماتيالىق اكادەمياسىنىڭ تىڭداۋشىسى.
1999-2000 جج. - قازاقستان رەسپۋبليكاسى سىرتقى ىستەر مينيسترلىگى اكىمشىلىگى دەپارتامەنتىنىڭ ديرەكتورى.
2000-2002 جج. – قازاقستان رەسپۋبليكاسى پرەمەر-مينيسترى كەڭسەسىنىڭ ۇكىمەتتىك اقپارات ءبولىمىنىڭ مەڭگەرۋشىسى، قازاقستان رەسپۋبليكاسى سىرتقى ىستەر ءمينيسترىنىڭ كەڭەسشىسى، قازاقستان رەسپۋبليكاسى سىرتقى ىستەر ءمينيسترىنىڭ ەرەكشە تاپسىرمالار جونىندەگى ەلشىسى.
2002-2003 جج. - «ورتا ازيالىق ىنتىماقتاستىق» ۇيىمداستىرۋ ماسەلەلەرى بويىنشا قازاقستان رەسپۋبليكاسىنىڭ ۇلتتىق ۇيلەستىرۋشى.
2003-2006 جج. – قازاقستان رەسپۋبليكاسىنىڭ پاكىستان يسلام رەسپۋبليكاسىنداعى توتەنشە جانە وكىلەتتى ەلشىسى.
2006-2008 جج. - قازاقستان رەسپۋبليكاسىنىڭ تۇركيا رەسپۋبليكاسىنداعى توتەنشە جانە وكىلەتتى ەلشىسى، قازاقستان رەسپۋبليكاسىنىڭ البانيا رەسپۋبليكاسىنداعى توتەنشە جانە وكىلەتتى ەلشىسى جانە قازاقستان رەسپۋبليكاسى مادەنيەت جانە اقپارات ۆيسە-مينيسترى قىزمەتىن قوسا اتقارعان.
2008-2009 جج. - قازاقستان رەسپۋبليكاسى پرەزيدەنتىنىڭ باسپا ءسوز حىتشىسى.
2009-2015 جج. - قازاقستان رەسپۋبليكاسىنىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى.
2015-2019 جج. - قازاقستان رەسپۋبليكاسىنىڭ ازەربايجان رەسپۋبليكاسىنداعى توتەنشە جانە وكىلەتتى ەلشىسى.
2019 جىلى قازاقستان رەسپۋبليكاسى پرەزيدەنتىنىڭ پارلامەنتتەگى وكىلدىگى باسشىسى قىزمەتىن اتقاردى.
2022 جىلدىڭ قاڭتارىنان ق ر سەناتىنىڭ دەپۋتاتى بولدى.