پرەزيدەنت تاپسىرماسى بويىنشا جەتىسۋ وبلىسىنداعى اۋىلداردى سۋمەن قامتۋعا ارناۋلى مەملەكەتتىك قوردان قارجى ءبولىندى، دەپ حابارلايدى aqshamnews.kz
مەملەكەت باسشىسىنىڭ تاپسىرماسىن جۇزەگە اسىرۋ اياسىندا وڭىرلەردە ازاماتتاردىڭ ءومىر ءسۇرۋ ساپاسىن جاقسارتۋ ماقساتىندا قايتارىلعان اكتيۆتەر ەسەبىنەن الەۋمەتتىك ماڭىزى بار ينفراقۇرىلىمدى دامىتۋ جۇمىستارى جۇرگىزىلىپ جاتىر.
ۇكىمەت ارناۋلى مەملەكەتتىك قوردان جەتىسۋ وبلىسىنداعى سۋمەن جابدىقتاۋ جۇيەلەرىن جاڭعىرتۋعا جانە قۇرىلىس جوبالارىنا 480 ملن تەڭگە ءبولدى.
جوبا بويىنشا الاكول اۋدانىنىڭ قوڭىر اۋىلىندا ۇزىندىعى 17 شاقىرىم سۋ جەلىسىن تارتۋ جانە قاراتال اۋدانىنىڭ ۇمتىل اۋىلىندا 4،8 شاقىرىم سۋ جەلىسىن جۇرگىزۋ جوسپارلانعان. ناتيجەسىندە، مىڭنان استام اۋىل تۇرعىنى اۋىز سۋمەن قامتىلادى.
بيىل جەتىسۋ وبلىسىندا سۋمەن جابدىقتاۋ جۇيەسىن جاڭعىرتۋ جانە سالۋ بويىنشا بارلىعى 18 جوبا جۇزەگە اسىرىلىپ جاتىر.
2025 جىلدىڭ سوڭىنا قاراي وڭىردەگى ورتالىقتاندىرىلعان اۋىز سۋمەن قامتىلعان اۋىلداردىڭ ۇلەسىن 99،9%-عا دەيىن جەتكىزۋ جوسپارلانىپ وتىر. بۇل – 329 اۋىل مەن شامامەن 697 مىڭ وبلىس تۇرعىنى.