جەتىسۋ وبلىسىندا شەتەل ۆاليۋتاسىن تاسىمالداۋ جولى اشكەرەلەندى

بارلىق فاكتىلەر بويىنشا اكىمشىلىك ماتەريالدار تولتىرىلدى.

جەتىسۋ وبلىسى بويىنشا مەملەكەتتىك كىرىستەر دەپارتامەنتى سوڭعى 15 كۇندە «نۇر جولى» كەدەن بەكەتىندە شەتەل ۆاليۋتاسىن تاسىمالداۋ جولىن اشكەرەلەدى، دەپ حابارلايدى Almaty-akshamy.kz

ءقازىر «نۇر جولى» كەدەن بەكەتىندە جەكە ازاماتتاردىڭ قولما-قول شەتەل ۆاليۋتاسىن دەكلاراسيالاماۋ فاكتىلەرىن انىقتاۋ بويىنشا تۇراقتى جۇمىس جۇرگىزىلۋدە.

«نۇر جولى» كەدەن بەكەتىنىڭ  قىزمەتكەرلەرى قورعانىس كەشەنىنىڭ شەكارالىق باقىلاۋ قىزمەتكەرلەرىمەن بىرلەسىپ، قازاقستان رەسپۋبليكاسىنان جۇڭگو حالىق رەسپۋبليكاسىنا  شىعۋدىڭ اكىمشىلىك زالىندا 15 كۇن ىشىندە شەتەل ۆاليۋتاسىن تاسىمالداۋعا تىرىسۋدىڭ 5 فاكتىسىن انىقتادى.

جۇڭگو حالىق رەسپۋبليكاسىنىڭ ازاماتىنان 16 ناۋرىزدا 10 مىڭ اقش دوللارى، 1100 يۋان جانە 73،5 مىڭ تەڭگە سوماسىندا دەكلاراسيالانباعان قاراجات انىقتالدى.

سول سياقتى 18 ناۋرىزدا تاجىكستان ازاماتى 11 875 اقش دوللارىن، ال 25 ناۋرىز كۇنى جۇڭگو رەسپۋبليكاسىنىڭ ازاماتتارى 5،0 ملن تەڭگە، 416 يۋان جانە 1،7 ملن تەڭگە جانە 14 500 اقش دوللارىن دەكلاراسيالاماعانى انىقتالدى

ءساۋىردىڭ باسىندا جۇڭگو ازاماتى 15 500 اقش دوللارىن دەكلاراسيالاماي الىپ وتپەك بولدى.

بارلىق فاكتىلەر بويىنشا اكىمشىلىك ماتەريالدار تولتىرىلدى.

جەتىسۋ وبلىسى بويىنشا مەملەكەتتىك كىرىستەر دەپارتامەنتى قازاقستان رەسپۋبليكاسى پرەزيدەنتىنىڭ 2022 جىلعى 14 ناۋرىزداعى №830 جارلىعىنا سايكەس، قازاقستان رەسپۋبليكاسىنىڭ ۇلتتىق بانكى اكەتۋ كۇنىنە بەلگىلەنگەن باعام بويىنشا ەسەپتەلگەن  جانە 10 000 (ون مىڭ) اقش دوللارى بالاماسىنان اساتىن سوماداعى قولما-قول شەتەل ۆاليۋتاسىن جانە (نەمەسە) شەتەل ۆاليۋتاسىنداعى اقشا قۇرالدارىن اكەتۋگە تىيىم سالىنعان ەسكە سالادى.