مۇزداق-مۇزدىق كولدەر مەن قار كوشكىنى ءقاۋپى بار ۋچاسكەلەردىڭ جاي-كۇيىنە مونيتورينگ جۇرگىزۋ ماقساتىندا جەتىسۋ-الاتاۋ تاۋ جوتاسىنا اەروۆيزۋالدى تەكسەرۋلەر جۇرگىزىلدى، دەپ حابارلايدى Almaty-akshamy.kz Inform.kz-كە سىلتەمە جاساپ.
ق ر توتەنشە جاعدايلار مينيسترلىگىنىڭ باسپا ءسوز قىزمەتى تاراتقان اقپاراتتارعا قاراعاندا، اۋەدەن بارلاۋ جۇمىستارىنا جەتىسۋ وبلىسى اكىمىنىڭ ورىنباسارى ا.ا. جاقانبايەۆ، جەتىسۋ وبلىسى تجد باستىعى ب.ش. ءىزباساروۆ، «قازسەلدەنقورعاۋ» مم وبلىستىق فيليالى باسشىسىنىڭ م.ا. ا.س. سابىربايەۆ جانە تجد تجااب باستىعى ر. ت. تازابەكوۆ قاتىستى.
«بۇگىنگى تاڭدا تاۋلى جەرلەردە قار جامىلعىسىنىڭ قالىڭدىعى 70-تەن 150 سم-گە دەيىن. قار كوشكىنىنىڭ وزدىگىنەن ءتۇسۋى انىقتالعان جوق. گيدرولوگيالىق جاعدايلار تۇراقتى، مۇزداق كولدەر قىسقى رەجيمدە، تاۋلى ايماقتاردا كوشكىن ءقاۋپى ساقتالادى»، - دەلىنگەن مينيسترلىكتىڭ حابارلاماسىندا.
سونىمەن قاتار وندا وبلىس بويىنشا كوشكىن ءقاۋپى بار 61 ۋچاسكە جانە 416 مۇزداق كول بار ەكەنى ايتىلادى.