سوت قاۋلىسىمەن ۋچاسكەلەر ماجبۇرلەپ الىندى.
جەتىسۋ وبلىسىندا 221 گەكتار جەر مەملەكەت قورىنا قايتارىلدى، دەپ حابارلايدى aqshamnews.kz
پروكۋراتۋرانىڭ مالىمەتىنشە، 2014 جىلى ەسكەلدى، كوكسۋ، كەربۇلاق اۋداندارىندا ورنالاسقان جالپى اۋدانى 221 گەكتار 5 جەر ۋچاسكە «ك» ي «A» جشس-عا سۋ ەلەكتر ستانسياسىن سالۋ ءۇشىن بەرىلگەن.
جەتىسۋ وبلىسىنىڭ جەر رەسۋرستارىن باسقارۋ دەپارتامەنتى جۇرگىزگەن جوسپاردان تىس تەكسەرۋ بارىسىندا اتالعان جەر ۋچاسكەلەرى بەرىلگەن ساتتەن باستاپ ماقساتىنا ساي پايدالانىلماعانى انىقتالدى.
دەپارتامەنت زاڭ بۇزۋشىلىقتاردى جويۋ بويىنشا ءتيىستى شارالار قابىلداعانمەن، ج ش س نۇسقامانىڭ ورىندالۋىن ەلەمەدى.
جەتىسۋ وبلىستىق سوتىنىڭ ازاماتتىق ىستەر جونىندەگى سوت القاسىنىڭ قاۋلىسىمەن جەر ۋچاسكەلەرىن ماجبۇرلەپ الىپ قويۋ تۋرالى شەشىم قابىلداندى.