ءدۇمپۋ الماتى ۋاقىتىمەن ساعات 01 ساعات 57 مينۋتتا بولعان
ق ر توتەنشە جاعدايلار مينيسترلىگىنە قاراستى سەيسميكالىق ستانسالار جەلىسى جەر سىلكىنىسىن تىركەدى، دەپ حابارلايدى Almaty-akshamy.kz.
جەراستى ءدۇمپۋى 26 تامىز كۇنى الماتى ۋاقىتىمەن ساعات 01 ساعات 57 مينۋتتا بولعان.
«ءزىلزالا وشاعى الماتىدان سوتۇستىك-شىعىسقا قاراي 358 شاقىرىم قاشىقتىقتا، قازاقستان اۋماعىندا ورنالاسقان. ەنەرگەتيكالىق كلاسى - 9.5. MPV ماگنيتۋداسى – 4.1، باعىتى 45.83° س.ە 79.54° ش.ب. تەرەڭدىگى – 10 شاقىرىم. سەزىلگەنى جايلى مالىمەت جوق»،-دەلىنگەن كەزەكشى وپەراتوردىڭ حابارلاماسىندا.
كارتامەن قاراعاندا، جەر سىلكىنىسى تىركەلگەن ايماق جەتىسۋ وبلىسى اۋماعىنا كىرىپ تۇر.
ەسكە سالا كەتەيىك، 23 تامىز كۇنى استانا ۋاقىتىمەن 17 ساعات 12 مينۋتتا الماتى ماڭىندا جەر سىلكىنگەن ەدى.
بۇل – ءبىر تاۋلىك ىشىندەگى ەكىنشى ءزىلزالا. سول كۇنى ساعات 16:03-تە سەيسمولوگتار الماتى قالاسىنان وڭتۇستىك-شىعىسقا قاراي 388 شاقىرىم جەردە، جۇڭگو اۋماعىندا تاعى ءبىر جەراستى ءدۇمپۋىن تىركەدى.