جاعالاۋلار، سكەيت الاڭدارى، سپورت كەشەندەرى جانە بالالار وينايتىن ورىندار: جەتىسۋ اۋدانىنىڭ تۇرعىندارى ءۇشىن نە سالىنادى؟
جەتىسۋ اۋدانىندا «حالىقتىق بيۋدجەتكە قاتىسۋ باعدارلاماسى اياسىندا 2023 جىلى اۋدان تۇرعىندارى ۇسىنعان 40 جوبا ىرىكتەلدى. باعدارلامانىڭ جۇزەگە اسۋ بارىسى تۋرالى اۋدان اكىمى گۇلنار كوكەبايەۆا الماتى قالاسىنىڭ وڭىرلىك كوممنيكاسيالار قىزمەتىنىڭ بريفينگىندە ايتىپ بەردى، دەپ حابارلايدى almaty-akshamy.kz
«حالىقتىق بيۋدجەتكە قاتىسۋ» باعدارلاماسى اياسىندا 2023 جىلى اۋدان تۇرعىندارىنان 300-گە جۋىق جوبا كەلىپ ءتۇستى، ونىڭ ىشىندە تۇرعىنداردىڭ داۋىس بەرۋ قورىتىندىسى بويىنشا ىسكە اسىرۋ ءۇشىن 1،8 ملرد.تەڭگە سوماسىنا 40 جوبا ىرىكتەلدى. ولاردىڭ ىشىندە رايىمبەك داڭعىلى، بوكەيحانوۆ كوش. قيىلىسىنداعى جەر ءۇستى جاياۋ جۇرگىنشىلەر كوپىرىن اعىمداعى جوندەۋ، تەرەڭدەتىلگەن كونتەينەرلەردى ورناتۋ جانە ت.ب. جوبالار بار.
بۇگىنگى تاڭدا 25 نىساننىڭ قۇرىلىسى اياقتالدى. جىل سوڭىنا دەيىن قالعان 15 جوبانى اياقتاۋ جوسپارلانۋدا.
«حالىقتىق بيۋدجەتكە قاتىسۋ» جوباسىنان باسقا، اۋدان اكىمدىگى جاعالاۋ ايماقتارىنا كۇردەلى جوندەۋ جۇمىستارىن جۇرگىزۋدە.
«ەسەنتاي وزەنىنىڭ بويىندا كوكجيەك ى/ا جالپى اۋدانى 8 گا بولاتىن جاڭا ساياباق ايماعىن قۇرۋ بويىنشا جۇمىستار جۇرگىزىلۋدە، وندا سكەيت، فۋتبول الاڭى، ورىندىقتار، بالالار ويىن جانە سپورت كەشەندەرى، اۆتوسۋارۋ جۇيەسى ورناتىلعان جاعالاۋدى جايلاستىرۋ كوزدەلگەن. جوبا اۋىسپالى بولىپ تابىلادى، جۇمىستاردى اياقتاۋ 2024 جىلدىڭ 2 توقسانىندا جوسپارلانىپ وتىر»، - دەپ حابارلادى گ.كوكەبايەۆا.
سونداي-اق، چەرنوۆسكايا كوشەسىندە ءبىز وتكەن جىلى سالعان جاعالاۋ ايماعىنىڭ قۇرىلىسىن جالعاستىرۋ بويىنشا جۇمىستار جۇرگىزىلۋدە. جاعالاۋ ايماعىنىڭ جاڭا قۇرىلىسى شەڭبەرىندە بالالار، سپورت، ترەناجەر جانە كونكي الاڭدارىن جايلاستىرۋ كوزدەلگەن، سونداي-اق، جاعالاۋدا اۆتوسۋارۋ جۇيەسى ورناتىلادى، بۇل بىزگە جاسىل جەلەكتەردى ساقتاۋعا مۇمكىندىك بەرەدى. جوبانىڭ ۇزىندىعى شامامەن 1.2 كم قۇرايدى، جۇمىستاردى 2024 جىلدىڭ 2-توقسانىنىڭ سوڭىنا دەيىن اياقتاۋ جوسپارلانۋدا.