1. بۇگىندە اۋدان ەلەكتر جەلىلەرىنىڭ 85%ء-ى توزعان، سونىڭ سالدارىنان اپاتتى سوندىرۋلەر ءجيى بولىپ تۇرادى. بۇل تۇرعىندار ءۇشىن ۇلكەن قولايسىزدىقتار تۋدىرادى.
جەتىسۋ اۋدانىن تۇراقتى ەلەكترمەن جابدىقتاۋمەن قامتاماسىز ەتۋ ءۇشىن وتكەن جىلى كەمەل شاعىن اۋدانىندا جانە پاللادين-پاۆلودار-بورالداي-قوجامياروۆ كوشەلەرى الاڭىندا 3،7 ملرد. تەڭگە سوماعا 66 شاقىرىم ەلەكتر جەلىلەرىن سالۋ بويىنشا جۇمىستار اياقتالدى. بۇل تۋرالى اۋدان تۇرعىندارىمەن كەزدەسۋىندە قالا اكىمى ەربولات دوسايەۆ ايتتتى، دەپ حابارلايدى aqshamnews.kz
2024 جىلدىڭ جەلتوقسانىندا 4 شاقىرىم ەلەكتر جەلىلەرىن رەكونسترۋكسيالاۋ جانە «كيرپيچنايا» قوسالقى ستانسياسىنىڭ قۇرىلىسى باستالدى. جۇمىستار 2026 جىلدىڭ تامىز ايىندا اياقتالادى، جوبانىڭ قۇنى 6،2 ملرد.تەڭگە، - دەدى الماتى قالاسىنىڭ اكىمى.
وسى جىلدىڭ ماۋسىم ايىندا رىسقۇلوۆ داڭعىلى 65ا مەكەنجايى بويىنشا 1،2 شاقىرىم تۇرعىن ءۇيدى ەلەكترمەن جابدىقتاۋ جەلىسىن سالۋ بويىنشا جوبانىڭ مەملەكەتتىك ساراپتاما قورىتىندىسىن كۇتەدى.