الماتىنىڭ جەتىسۋ اۋدانىنىڭ تۇرعىندارىمەن كەزدەسۋ بارىسىندا قالا باسشىسى ەربولات دوسايەۆ وسى اۋداندا ينجەنەرلىك ينفراقۇرىلىمنىڭ دامۋى تۋرالى ايتىپ بەردى.
«جەتىسۋ اۋدانىنداعى جۇمىسىمىزدىڭ باستى باعىتىنىڭ ءبىرى تۇرعىندارىنا ساپالى كوممۋنالدىق قىزمەتتەر كورسەتۋ»، - دەدى ەربولات دوسايەۆ.
- ءقازىر اۋداندا 80 كم سۋمەن قامتۋ جانە 71 كم كارىز جەلىلەرىن سالۋ بويىنشا 2 جاڭا ءىرى ينجەنەرلىك جوبا جۇزەگە اسىرىلىپ جاتىر. بۇل جوبادا كەمەل، اينابۇلاق سايى، سەرىكوۆ، قازىبايەۆ، فيەۆرالسكايا، وماروۆ جانە ت.ب. 100-دەن استام كوشە قامتىلادى.
- ءبىرىنشى جوبانى «الماتىينجستروي» ج ش س ىسكە اسىرىپ، «كەمەل» شاعىن اۋدانىن تولىق قامتيدى. بىلتىر 5،7 كم بولاتىن 3 كوشەگە ماگيسترالدىق سۋ قۇبىرلارى تارتىلدى. 2024 جىلى جۇمىستار جالعاسادى جانە وسى جىلدىڭ سوڭىنا دەيىن اياقتالادى.
- ەكىنشى جوبانى «نكو» ج ش س جۇزەگە اسىرىپ جاتىر، ول 81 كوشەنى قامتيدى. وتكەن جىلى قۇرىلىس-مونتاجداۋ جۇمىستارى 15 كوشەدە جۇرگىزىلدى، ونىڭ 4ء-ۋى تولىعىمەن اياقتالدى. 2024 جىلى تاعى 35 كوشەدە جۇمىستاردى جۇرگىزۋ جوسپارلانعان.
- سونىمەن قاتار، 2023 جىلى جالپى ۇزىندىعى 5،1 كم، ونىڭ ىشىندە قۇلاگەر جانە اينابۇلاق-2 شاعىن اۋدانىندا جانە كازاكوۆ، برودسكيي، كولپاكوۆسكيي-ەسەنوۆ كوشەلەرىندە ماگيسترالدىق جىلۋ جەلىلەرىن رەكونسترۋكسيالاۋ جۇرگىزىلدى.
«بيىل اينابۇلاق-2، 3 شاعىن اۋدانىندا جانە برودسكيي كوشەسىندە ۇزىندىعى 3،3 كم جىلۋ ماگيسترالدارىن رەكونسترۋكسيالاۋ جۇمىستارىن جالعاستىرامىز»، - دەدى مەگاپوليس باسشىسى