جەتى وڭىردە ونەركاسىپ ءوندىرىسى تومەندەدى

ۇلتتىق ستاتيستيكا بيۋروسىنىڭ مالىمەتىنشە، كەن ءوندىرۋ سالاسىندا – 3411 ملرد تەڭگەگە (جالپى كولەمنەن 47،8%)، وڭدەۋ سالاسىندا – 3132 ملرد تەڭگەگە (43،9%) ءونىم وندىرىلگەن، دەپ حابارلايدى Almaty-akshamy.kz 

«ءوندىرىستىڭ ءوسۋى تاۋ-كەن ءوندىرۋ ونەركاسىبى جانە كارەرلەردى قازۋدا – 0،5%، وڭدەۋ ونەركاسىبىندە – 2،5%، ەلەكتر ەنەرگياسىمەن، گازبەن، بۋمەن، ىستىق سۋمەن جانە اۋانى كونديسيالاۋمەن جابدىقتاۋدا – 4،6%، سۋمەن جابدىقتاۋ؛ قالدىقتاردى جيناۋ، وڭدەۋ جانە جويۋ، لاستانۋدى جويۋ بويىنشا قىزمەتتە 3،2% بايقالادى. تابيعي گازدى (101،1%)، تەمىردى قوسپاعاندا، كەندەردى (107،6%)، وزگە دە پايدالى قازبالاردى (112،9%) ءوندىرۋ سالالارىنىڭ ارتۋىنا بايلانىستى 2023 جىلعى قاڭتار-اقپاندا تاۋ-كەن ءوندىرۋ ونەركاسىبى جانە كارەرلەردى قازۋدا ونەركاسىپ ءوندىرىسىنىڭ يندەكسى 100،5% قۇرادى»، – دەلىنگەن حابارلامادا.

وڭدەۋ ونەركاسىبىندە ەسەپتى كەزەڭدە 2022 جىلعى سايكەس كەزەڭمەن سالىستىرعاندا ءوندىرىس يندەكسى 102،5%-دى قۇرادى. وسىمدىك تاماق ونىمدەرى – 9،6%، سۋسىندار – 22،6%،  وڭدەلگەن مۇناي ونىمدەرى – 6،5%، رەزەڭكە جانە پلاستماسس بۇيىمدارى – 9،4%، نەگىزگى فارماسيەۆتيكالىق ونىمدەر مەن فارماسيەۆتيكالىق پرەپاراتتار ءوندىرۋ – 16،7%، ماشينا جاساۋدا 31،5% بولىپ بەلگىلەندى.

ءوندىرىس كولەمىنىڭ ءوسۋى رەسپۋبليكانىڭ 13 وڭىرىندە تىركەلدى، ال اقتوبە، باتىس قازاقستان، قاراعاندى، قوستاناي، قىزىلوردا، شىعىس قازاقستان وبلىستارىندا جانە استانا قالاسىندا، كەرىسىنشە، تومەندەگەن.