قار تازالاۋعا 129 تەحنيكا جۇمىلدىرىلدى.
جەتى مىڭنان استام تەمىرجولشى جولداردى قاردان تازارتتى، دەپ حابارلايدى Almaty-akshamy.kz.
بۇل تۋرالى «قازاقستان تەمىر جولى» ۇك» اق باسپا ءسوز قىزمەتى حابارلادى.
«اۋا رايىنىڭ قولايسىزدىعىنا بايلانىستى پويىزدار قاۋىپسىزدىگىن قامتاماسىز ەتۋ ءۇشىن كەيبىر تەمىرجول ۋچاسكەلەرىندە قوزعالىس جىلدامدىعىنا شەكتەۋلەر قويىلدى. وسىعان بايلانىستى پويىزداردىڭ قوزعالىس كەستەسىنە وزگەرىستەر ەنگىزىلدى. تەمىرجولشىلار كۇردەلى مەتەوجاعدايلاردا تۇراقتى تاسىمالداۋ پروسەسىن ۇيىمداستىرۋعا بارىنشا كۇش سالۋدا. جاۋعان قالىڭ قارعا بايلانىستى تەمىر جولدارىن، باعىتتامالىق بۇرمالاردى، جولاۋشىلار پلاتفورمالارىن تازارتۋ بويىنشا ۇزدىكسىز جۇمىستار جۇرگىزىلىپ جاتىر»، - دەپ جازىلعان حابارلامادا.
ءۇش كۇن ىشىندە تەمىرجول جەلىسىندە تاۋلىك بويى 7 مىڭنان استام تەمىرجولشى جۇمىس ىستەدى. ارنايى قار ارشيتىن تەحنيكانىڭ 129 بىرلىگى جۇمىلدىرىلدى.
نەگىزگى ءىس-شارالار قاراعاندى، قوستاناي، سەمەي بولىمشەلەرى اۋماعىنداعى ماگيسترالدىق جەلىلەردە وتكىزىلدى.