ۇزدىك ناتيجە!
ۇلتتىق وليمپيادا كوميتەتىنىڭ دەرەگىنشە، قازاقستان كومانداسى گاندبولدان يوردانيادا ءوتىپ جاتقان 18ء-شى ازيا چەمپيوناتىنىڭ جارتىلاي فينالىنا شىقتى، دەپ حابارلايدى Almaty-akshamy.kz.
ءبىزدىڭ كوماندا ا توبىندا سىنعا ءتۇسىپ، ءوز توبىندا ەكىنشى ورىن العان.
توپتىق كەزەڭدە قازاقستاندىقتار گونكونگ، سينگاپۋر، وزبەكستان كوماندالارىن جەڭگەن بولاتىن.
توپتاعى سوڭعى ويىندا قازاقستان مەن وڭتۇستىك كورەيا كەزدەسىپ، قارسىلاستار 40:20 ەسەبىمەن جەڭىسكە جەتتى.
وسىلايشا، قازاقستان كومانداسى جارتىلاي فينالدا ۆ توبىندا ءبىرىنشى ورىن العان جاپونيا قۇراماسىمەن كەزدەسەدى.
ەكىنشى جارتىلاي فينالدىق ماچتا وڭتۇستىك كورەيا مەن يران اراسىندا ءوزارا مىقتى انىقتالادى.