ەلىمىز بويىنشا 8،8 ميلليون گەكتار جەر تاپشى.
ال بۇگىنگى كۇنگە دەيىن ونىڭ 5،2 ميلليون گەكتارى مەملەكەتكە قايتارىلعان. ەندى اتالعان جايىلىم جەرلەردى ءبولىپ-تاراتۋ ءۇشىن ۇكىمەت پەن وبلىس اكىمدىكتەرى بىرلەسىپ مونيتورينگ كارتاسىن ازىرلەمەك، دەپ حابارلايدى Almaty-akshamy.kz.
پرەزيدەنت كەشەگى ۇكىمەت وتىرىسىندا وسىنداي تاپسىرما بەردى. نەگىزگى مىندەت - شارۋالارعا جەردى ءتيىمدى ەتىپ ۇلەستىرۋ كەرەك. ياعني اۋىل ازاماتتارىنا ناقتى قولداۋ كورسەتىلەدى.
ال جامبىلدىق پروفەسسور امانباي قارىنبايەۆ: "جەردى بولەردە ونى عىلىمي نەگىزدە زەرتتەپ، زەردەلەپ بارىپ شارۋالارعا بەرۋ قاجەت، - دەيدى.
«جايىلىم جەرلەردى اۋەلى تولىعىمەن مونيتورينگ جاساۋ كەرەك. ويتكەنى جايىلىم ماسەلەسىندە جىلدان-جىلعا ەكولوگيالىق جاعدايلارى، تاعى دا باسقا ءتيىمسىز پايدالانۋ ماسەلەلەرى دە ورىن العان. سوندىقتان بۇل - وزەكتى ماسەلە»،- دەيدى اۋىل شارۋاشىلىعى عىلىمدارىنىڭ دوكتورى، پروفەسسور امانباي قارىنبايەۆ.