جاپونيادا Mori JP Tower دەپ اتالاتىن توبەسى «كوك تىرەگەن» ءزاۋلىم عيمارات پايدا بولدى.
بيىكتىگى 325،2 مەترلىك عيماراتتىڭ ەڭ باستى ارتىقشىلىعى – ءزىلزالاعا ءتوزىمدى، ەنەرگيانى از تۇتىنادى، دەپ حابارلايدى Almaty-akshamy.kz.
Pelli Clarke & Partners كومپانياسىنىڭ ساۋلەتشىلەرى مەن بىلىكتى ماماندارى جوباسىن سىزعان Mori JP Tower عيماراتى جاسىل جەلەك جامىلعان توكيونىڭ Azabudai Hills كەشەنىندە تۇرعىزىلعان. 64 قاباتتان تۇراتىن عيماراتتا تۇرعىن ۇيلەرمەن قوسا، كەڭسە، Aman مەيمانحاناسى، ت.ب. ورنالاسقان. 9،0 بالدىق كۇشى بار جەر سىلكىنىسى كەزىندە دە ادەتتەگىدەي جۇمىس ىستەيدى. عيماراتتىڭ قۇرىلىمدىق بولات قۇبىرلارى اسا مىقتى بەتونمەن تولتىرىلدى. وسىلايشا عيمارات ءزىلزالا كەزىندە از تەڭسەلەدى. مۇنارادا 3600 ادامعا ارنالعان ۋاقىتشا باسپانا، سونداي-اق، اپاتتان زارداپ شەككەندەرگە كومەك كورسەتۋگە ارنالعان قويما بار. ەلەكتر ەنەرگياسى جاڭعىرتپالى قۋات كوزدەرىنەن الىنادى. ماسەلەن، جىلۋ كاناليزاسيالىق جۇيەدەن كەلسە، جاۋىن سۋى اۆتوماتتى تۇردە تازارتىلىپ، جاسىل جەلەكتى سۋعارۋعا كەتەدى.