كوپتەگەن دامۋشى ەلدەر ءالى دە پاندەميامەن كۇرەسىپ جاتىر
2022 جىلى الەمدىك ەكونوميكا جاعدايى ايتارلىقتاي ناشارلادى. الەمدىك ءوندىرىستىڭ جىلدىق كولەمى 2،5 %-دان 2،8% دەيىن وسەدى دەپ كۇتىلىپ وتىر، بۇل بۇرىن بولجانعاننان ەداۋىر تومەن. بۇل تۋرالى بۇۇ باس اسسامبلەياسى ەكىنشى كوميتەتىنىڭ وتىرىسىندا باس حاتشىنىڭ ەكونوميكالىق جانە الەۋمەتتىك ماسەلەلەر جونىندەگى ورىنباسارى لي دجۋنحۋا مالىمدەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ول بۇۇ باس اسسامبلەياسىنىڭ ەكىنشى كوميتەتىنىڭ شەشىمدەرىن ازىرلەۋ كەزىندە مەملەكەتتەر اراسىنداعى «ۇلكەن قارجىلىق الشاقتىقتى» ەسكەرۋ قاجەت ەكەنىن اتاپ ءوتتى.
كوپتەگەن دامۋشى ەلدەر ءالى دە پاندەميامەن كۇرەسىپ جاتىر، ولار جوعارى ينفلياسيا مەن ەكونوميكالىق داعدارىستى جەڭۋگە تىرىسىپ جاتىر.
داعدارىس ەنەرگيا باعاسىنىڭ كۇرت ءوسۋىنا بايلانىستى ودان سايىن شيەلەنىسكەن.
لي سزيۋنحۋا 2022 جىلى وتە كەدەي جاعدايدا 95 ميلليون ادام ءومىر سۇرەتىنىن اتاپ ءوتتى.
«عىلىم، تەحنولوگيا جانە يننوۆاسيالار ادامداردىڭ ءال-اۋقاتىن ەداۋىر ارتتىرا الادى، ءبىراق ازىرگە كوپتەگەن ادام ينتەرنەتكە قول جەتكىزە الماي وتىر»، - دەپ اتاپ ءوتتى ول.