جەڭىلدىكپەن نەسيە اپەرەم دەپ الداعان الاياق ايەل ۇستالدى

ول ۇلكەن سومادا نەسيە اپەرەم دەپ، قىزمەتى ءۇشىن الدىن الا سىياقى العان.

بۇرىن بىرنەشە رەت سوتتالعان كۇدىكتى الماتىلىقتارعا بيزنەستى جەڭىلدىكپەن نەسيەلەندىرىپ بەرۋگە ۋادە بەرگەن، دەپ حابارلايدى Almaty-akshamy.kz Polisia.kz-كە سىلتەمە جاساپ.

1973 جىلى تۋعان پ.ەسىمدى ازاماتشانى پوليسيا الماتى وبلىسىندا قولعا تۇسىرگەن.

«پ.ەسىمدى ازاماتشاعا قاتىستى ق ر قك-نىڭ 190-بابى 3-بولىگى بويىنشا قىلمىستىق ءىس قوزعالدى. قازىرگى ۋاقىتتا تەرگەۋ ءتورت قىلمىستىق ەپيزودتى دالەلدەدى، جالپى شىعىن ميلليونداعان تەڭگەگە باعالاندى. ايەل الدىن الا ويلاستىرىلعان جوسپار بويىنشا «جۇمىس ىستەدى»: ۇلكەن سوماعا نەسيە بەرۋدى سىلتاۋراتىپ، زارداپ شەككەندەردەن قىزمەتى ءۇشىن الدىن الا سىياقى الادى، ءبىراق ول ۋادەسىن ورىندامايدى. كۇدىكتى بۇرىن بىرنەشە رەت سوتتالعان. ءبىز ونىڭ قىلمىستىق ارەكەتتەرىنەن زارداپ شەككەندەردىڭ كوپ بولۋى مۇمكىن ەكەنىن جوققا شىعارمايمىز. وسىعان بايلانىستى، پ.ەسىمدى ازاماتشانى تانىعان ادامداردى مىنا تەلەفون نومىرلەرى ارقىلى حابارلاسۋعا شاقىرامىز: 8-708-707-9202؛ 8-705–555–7763؛ 8-775-719-2727»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.