بۇل جۇمىس بەرۋشىلەرگە ۇمىتكەردى جان-جاقتى تەكسەرۋگە مۇمكىندىك بەرەدى
سىبايلاس جەمقورلىققا قارسى قىزمەت جەمقورلاردىڭ ءتىزىمىن جاريالاۋدى جوسپارلاپ وتىر، دەپ حابارلايدى Almaty-akshamy.kz ۆەدومستۆونىڭ باسپا ءسوز قىزمەتىنە سىلتەمە جاساپ.
تىزىمدە جەمقورلىق ءۇشىن سوتتالعان ادامنىڭ بارلىق دەرەگى كورسەتىلەدى.
بۇل جۇمىس بەرۋشىلەرگە ۇمىتكەردى جان-جاقتى تەكسەرۋگە مۇمكىندىك بەرەدى.
جەمقورلىققا قارسى ساياساتتى جەتىلدىرۋگە باعىتتالعان زاڭنامالىق باستامالار سىبايلاس جەمقورلىققا قارسى ءىس-قيمىل اگەنتتىگىنىڭ شىعىس قازاقستان وبلىسىنداعى قوعامدىق كەڭەسىنىڭ وتىرىسىندا ايتىلدى.
"جەمقورلىق قۇقىق بۇزۋشىلىقتار جاساعانى ءۇشىن زاڭدى تۇلعالاردىڭ جاۋاپكەرشىلىگىن كۇشەيتۋ ۇسىنىلدى. سونداي-اق پارلامەنتتە پارا بەرۋ ۋادەسى مەن ۇسىنىسىن كريميناليزاسيالاۋ ماسەلەسى قارالۋدا"، - دەپ جازىلعان حابارلامادا.
زاڭدارعا ەنگىزىلگەن بۇل وزگەرىستەر گرەكو، ەىدۇ سياقتى بەدەلدى حالىقارالىق ۇيىمداردىڭ ۇسىنىسى بويىنشا دايىندالعان.