ءمۇعالىمنىڭ سيفرلى ءپروفيلى جوباسى جەلتوقساندا ىسكە قوسىلادى
وقۋ-اعارتۋ ءمينيسترى اسحات ايماعامبەتوۆ 2022 جىلعى جەلتوقساندا ءمۇعالىمنىڭ سيفرلى ءپروفيلى پيلوتتىق رەجيمدە ىسكە قوسىلاتىنىن ايتتى، دەپ حابارلايدى اlmaty-akshamy.kz inbusiness.kz. سىلتەمە جاساپ.
"پروفيل پەداگوگتەرگە ءتۇرلى قىزمەتتەردى الۋعا كومەكتەسەتىن ءبىرىڭعاي جۇيە بولادى. بوس ورىندار كونكۋرسىنا قاتىسۋ، اتتەستاسيا ءۇشىن قۇجاتتاردى تاپسىرۋ، "جىل ءمۇعالىمى" رەتىندە كونكۋرستار، كۋرستارعا قاتىسۋعا سۇرانىس جاساۋ قاجەت بولادى، ال كەيىن ءوتىنىش اۆتوماتتى تۇردە قالىپتاسادى. بارلىق قولجەتىمدى جانە قاجەتتى دەرەكتەر ۇلتتىق ءبىلىم بەرۋ دەرەكتەر قورىنان الىنادى"، – دەدى مينيستر.
اسحات ايماعامبەتوۆ سونداي-اق ءبىلىم بەرۋ سالاسىنداعى سيفرلى شەشىمدەردى قولدانۋ تۋرالى باياندادى. رەسپۋبليكالىق "ۇزدىك پەداگوگ" بايقاۋىن وتكىزۋ شارتتارى سيفروۆيزاسيا جەتىستىكتەرىمەن جاڭارتىلماق.
"ءبىز قاتىسۋشىلاردىڭ كەيبىر دەرەكتەرىن اۆتوماتتى تۇردە الۋ ءۇشىن ۇلتتىق ءبىلىم بەرەكتەر قورى اقپاراتتىق جۇيەسىمەن كەڭىرەك ينتەگراسيالاۋدى جوسپارلاپ وتىرمىز. سونداي-اق، بەلگىلى ءبىر تالاپتارعا سايكەس، قاجەتتى قۇجاتتار قوسا تىركەلەتىن فورماتتى-لوگيكالىق باقىلاۋدىڭ كەڭ جيىنتىعىن قوسامىز. سەبەبى، مۇعالىمدەر 50-دەن استام ءتۇرلى سەرتيفيكاتتى جۇكتەگەن جاعدايلار دا بولدى"، – دەدى اسحات ايماعامبەتوۆ.
ءمينيستردىڭ ايتۋىنشا، قازاقستاندا جاس مۇعالىمدەر كوبەيگەن. مەكتەپ مۇعالىمدەرى اراسىندا پاندەر بويىنشا باستاۋىش سىنىپ (849 ادام)، قازاق ءتىلى مەن ادەبيەتى (800 ادام)، اعىلشىن ءتىلى (507 ادام) جانە ماتەماتيكا (433 ادام) بويىنشا جاس مۇعالىمدەر ۇلەسى باسىم.