الماتىدا جەلتوقسان وقيعاسىنا قاتىسۋشىلارعا بىررەتتىك تولەمدى 250 مىڭ تەڭگەگە دەيىن ۇلعايتۋ ۇسىنىلدى، دەپ حابارلايدى almaty-akshamy.kz
بۇل تۋرالى الماتى قالاسى اكىمىنىڭ ورىنباسارى ارمان قىرىقبايەۆ كەزەكتەن تىس سەسسيا بارىسىندا ءماسليحات دەپۋتاتتارىنىڭ سۇراعىنا جاۋاپ بەردى.
باستاپقىدا بۇل جوسپار كەلەسى جىلى قارالاتىن بولعان. الايدا، الماتى اكىمى ەربولات دوسايەۆتىڭ تاپسىرماسى بويىنشا قارجىنى ۇنەمدەۋ ەسەبىنەن جانە تاۋەلسىزدىك كۇنى قارساڭىندا اعىمداعى جىلى "جەلتوقساندىقتارعا" تولەمدەردى ۇيىمداستىرۋ مۇمكىندىگى قارالدى.
ەسكە سالساق، جىل سايىن 1986 جىلعى جەلتوقسان وقيعاسىنا قاتىسۋشىلار ق ر تاۋەلسىزدىك كۇنىنە وراي 150 مىڭ تەڭگە تولەم الىپ كەلدى. 2023 جىلى بۇل كومەكتى 702 ادام الادى.
قازىرگى ۋاقىتتا الماتىدا 1986 جىلى جەلتوقسان وقيعاسىنا قاتىسقان 670 ادام تۇرادى.