What’sApp مەسسەندجەرىندە «ەرتەڭنەن باستاپ» بارلىق قوڭىراۋلار مەن مەسسەندجەرلەردەگى حات-حابارلاردى جازىپ الۋعا، سونداي-اق الەۋمەتتىك جەلىلەردەگى بەلسەندىلىكتى قاداعالاۋعا مۇمكىندىك بەرەتىن «جاڭا كوممۋنيكاسيا ەرەجەلەرى» قولدانىسقا ەنگىزىلەتىنى تۋرالى اقپارات تاعى دا تارادى. بۇل فەيك، دەپ حابارلايدى Almaty-akshamy.kz.
بۇل اقپارات قازنەتتە 2022 جىلدىڭ قاڭتارىندا كەڭىنەن تاراعان بولاتىن. ول كەزدە حابارلاما ق ر ۇلتتىق قاۋىپسىزدىك كوميتەتى اتىنان ۇسىنعان ەدى. ۆەدومستۆو مۇنىڭ ءبارى وتىرىك جانە «ەلىمىزدە جاڭا كوممۋنيكاسيا ەرەجەلەرى جوق» دەپ مالىمدەدى.
سونداي-اق بۇل اقپارات ق ر ۇلتتىق قاۋىپسىزدىك كوميتەتىنىڭ اتاۋىنسىز رەسەيدە تارالعان بولاتىن. ول دا جالعان دەپ تانىلىپ، اقپارات جوققا شىعارىلدى.
ايتا كەتەيىك، قازىرگى كەزدە تارالىپ جاتقان ماتىندە فەيك اقپاراتتىڭ بارلىق بەلگىلەرى بار. وندا «جاڭا كوممۋنيكاسيا ەرەجەلەرى» ەنگىزىلەتىن كۇن، مەملەكەت كورسەتىلمەگەن جانە دەرەككوزگە سىلتەمە جاسالماعان.
دەمەك، بۇل اقپاراتقا سەنۋدىڭ قاجەتى جوق.