وقيعاعا قاتىسۋشىلاردىڭ ءبارىنىڭ جەكە باسى انىقتالدى
الەۋمەتتىك جەلىدە قىزدىڭ اياۋسىز سوققىعا جىعىلعان ءساتى تاراپ جاتىر دەپ حابارلادى Almaty-akshamy.kz Tengrinews.kz-كە سىلتەمە جاساپ.
وقيعا وسكەمەندەگى ساۋدا ورتالىعىنىڭ بىرىندە بولعان. دارەتحانادا تۇسىرىلگەن ۆيدەودان ءبىر قىزدىڭ ەكىنشىسىن قاتىگەزدىكپەن ۇراعانىن بايقاۋعا بولادى.
وسى وقيعاعا قاتىستى شىعىس قازاقستان وبلىسىنىڭ پوليسيا دەپارتامەنتى مالىمدەمە جاسادى.
«تەكسەرۋ جۇرگىزدىك. بۇل وقيعا ءبىر اي بۇرىن – بيىلعى 1-2 ناۋرىزدا بولعان. بۇل دەرەك قىلمىستىق كودەكستىڭ 293-بابى 2-بولىگى («ءبىر توپ ادامدار جاساعان بۇزاقىلىق») بويىنشا تىركەلدى. قازىرگى ۋاقىتتا سوتالدى تەرگەۋ امالدارى جۇرگىزىلىپ جاتىر»، – دەدى شقو پد باسپا ءسوز قىزمەتى وكىلدەرى.
ۆەدومستۆو وكىلدەرى تەرگەۋ اياسىندا ەگجەي-تەگجەيلى اقپارات جاريالانبايتىنىن حابارلادى. وقيعاعا قاتىسۋشىلاردىڭ ءبارىنىڭ جەكە باسى انىقتالدى.