بارلىق بالالار امان-ەسەن جاعالاۋدان تابىلدى.
قاپشاعاي سۋ قويماسىنا ىستىق دەمالىس كۇنى كوپتەگەن دەمالۋشىلار كەلگەندىكتەن، قاراۋسىز قالعان بالالار جوعالا باستادى، دەپ حابارلايدى Almaty-akshamy.kz.
«بالالاردىڭ جوعالعانى تۋرالى حابارلاما الماتى وبلىسىنىڭ تجد-نە 2021 جىلعى 25 شىلدەدە ساعات 15.00-دەن كەيىن تۇسە باستادى، سوڭعىسى كەشكى ساعات 19.00-گە جاقىن جوعالىپ كەتتى. وقيعالار حالىق كوپ جينالاتىن جەرلەردە، قاپشاعاي سۋ قويماسىنىڭ وڭتۇستىك جانە سولتۇستىك جاعالاۋىندا بولدى. اداسقان بالالار 5 پەن 10 جاس ارالىعىندا بولدى»، دەلىنگەن تجد باسپا ءسوز قىزمەتىنىڭ مالەمدەمەسىندە.
اتا-انالارعا بالالاردى ىزدەۋ بويىنشا كومەككە قاپشاعاي ءوڭىرىنىڭ جەدەل قۇتقارۋ جاساعىنىڭ قۇتقارۋشىلارى قاتارىنان پاترۋلدىك توپتار جانە قاپشاعاي قالاسىنىڭ تج ءبولىمىنىڭ جەدەل توبى قوسىلدى.
بارلىق بالالار امان-ەسەن جاعالاۋدان تابىلدى، كەيبىرەۋلەرى اتا-انالارىمەن، كەيبىرەۋلەرى قۇتقارۋشىلارمەن تابىلدى. بالالاردىڭ ەشقايسىسى مەديسينالىق كومەككە مۇقتاج ەمەس ەدى.
الماتى وبلىسىنىڭ تجد جازاتايىم وقيعالاردى بولدىرماۋ ءۇشىن ازاماتتاردان بالالاردى ەرەسەكتەردىڭ قاراۋىنسىز قالدىرماۋدى سۇرايدى.