قازاقستاندا جەكە مەكتەپتەردە ءورت قاۋىپسىزدىگى مەن سانيتارلىق تالاپتارعا سايكەستىگى تەكسەرىلدى، دەپ حابارلايدى aqshamnews.kz.
ناتيجەلەر كوڭىل كونشىتپەيدى. 542 ءبىلىم ورنىندا 5000-نان استام زاڭ بۇزۋشىلىق انىقتالدى.
جەكە ءبىلىم ۇيىمدارىن تەكسەرۋ، ولار مەملەكەتتىك قارجىلاندىرۋ الاتىندىقتان جوعارى اۋديتورلىق پالاتا تاراپىنان جۇرگىزىلگەن. جالپى 542 مەكتەپكە جوسپاردان تىس تەكسەرۋ وتكىزىلدى.
«تەكسەرۋ ناتيجەسىندە ءورت قاۋىپسىزدىگى بويىنشا 5 219 زاڭ بۇزۋشىلىق اشكەرەلەندى. ال 436 مەكتەپتە سانيتارلىق نورمالاردىڭ بۇزعانى انىقتالدى. بۇل ءۇشىن 611 جاۋاپتى تۇلعا اكىمشىلىك جاۋاپكەرشىلىككە تارتىلىپ، جالپى سوماسى 82 ميلليون تەڭگەدەن اساتىن ايىپپۇلدار سالىندى»، — دەپ حابارلايدى جوعارى اۋديتورلىق پالاتا.