جەكە تۇلعالاردىڭ تابىسى مەن مۇلكى تۋرالى دەكلاراسيا تاپسىرۋى باستالدى، دەپ حابارلايدى اlmaty-akshamy.kz ق ر قارجى مينيسترلىگىنىڭ مەملەكەتتىك كىرىستەر كوميتەتىنە سىلتەمە جاساپ.
«2021 جىلى جالپىعا بىردەي دەكلاراسيالاۋدىڭ ءبىرىنشى كەزەڭىنىڭ اكتيۆتەر مەن مىندەتتەمەلەر تۋرالى دەكلاراسيانى (250.00 نىسان) تاپسىرۋ مەرزىمى اياقتالدى. ءبىرىنشى كەزەڭ اياسىندا دەكلاراسيانى مەملەكەتتىك قىزمەتشىلەر مەن ولارعا تەڭەستىرىلگەن تۇلعالار، سونداي-اق ولاردىڭ جۇبايلارى (زايىپتارى) ۇسىنعان. وسى جىلدان باستاپ بۇل تۇلعالار جىل سايىن تابىسى مەن مۇلكى تۋرالى دەكلاراسيانى تاپسىراتىن بولادى (270.00 نىسان). وندا ەسەپتى كۇنتىزبەلىك جىلى الىنعان كىرىستەرى، سالىق شەگەرىمدەرى، مۇلكى، قازاقستان رەسپۋبليكاسىنان تىسقارى جەردە ورنالاسقان شەتەلدىك بانكتەردەگى بانكتىك شوتتارداعى اقشا، سونداي-اق قازاقستان رەسپۋبليكاسىنان تىسقارى جەرلەردەگى مۇلىكتى ساتىپ الۋ جانە (نەمەسە) يەلىكتەن شىعارۋ تۋرالى مالىمەتتەر كورسەتىلەدى»، - دەپ اتاپ وتەدى كوميتەتتەن.
ۆەدومستۆو مالىمەتىنشە، كىرىستەرى مەن مۇلكى تۋرالى دەكلاراسيانى «سالىق تولەۋشىنىڭ كابينەتى» (kgd.gov.kz)، eSalyq اzamat ءموبيلدى قوسىمشاسى ارقىلى، سونداي-اق قاعاز تۇرىندە مەملەكەتتىك كىرىستەر ورگاندارىنا نەمەسە حالىققا قىزمەت كورسەتۋ ورتالىقتارىنا كەلىپ قولما-قول تاپسىرۋعا نەمەسە پوشتا ارقىلى جىبەرۋگە بولادى.
ءبىرىنشى كەزەڭدەگى جەكە تۇلعالار ءۇشىن تابىسى مەن مۇلكى تۋرالى دەكلاراسيانى قاعاز تۇرىندە 2022 جىلدىڭ 15 شىلدەسىنەن كەشىكتىرمەي، ەلەكتروندى تۇردە 2022 جىلدىڭ 15 قىركۇيەگىنەن كەشىكتىرمەي تاپسىرۋ قاجەت.