مەملەكەتتىك كىرىستەر كوميتەتىندە اۆتوكولىك يەلەرىن جەكە تۇلعالاردىڭ كولىك سالىعىن تولەۋ مەرزىمىنىڭ جاقىنداعانىن ەسكە سالدى.
تولەۋ مەرزىمى جەكە تۇلعالاردىڭ 2023 جىلعا كولىك سالىعىن تولەۋ مەرزىمى 2024 جىلدىڭ 1 ساۋىرىندە اياقتالادى. 2023 جىلعى سالىقتى ەسەپتەۋ كەزىندە 2023 جىلى قولدانىستا بولعان 3 450 تەڭگە مولشەرىندەگى ايلىق ەسەپتىك كورسەتكىش (اەك) قولدانىلادى، دەپ حابارلايدى اlmaty-akshamy.kz.
كولىك سالىعىن قالاي ەسەپتەۋگە بولادى؟ كولىك قۇرالدارىنا سالىناتىن سالىقتىڭ سوماسىن kgd.gov.kz web-پورتالىنداعى جانە «e-Salyq Azamat» ءموبيلدى قوسىمشاسىنداعى سالىق كالكۋلياتورىنىڭ كومەگىمەن دەربەس ەسەپتەۋگە بولادى. بۇل رەتتە ەسەپتىك سالدونى انىقتاۋ ءۇشىن سالىق ورگاندارى جىل سايىن جەكە تۇلعالاردىڭ كولىك قۇرالدارىنا سالىناتىن سالىقتى ءتيىستى جىلعا ەسەپتەيدى.
اۆتوكولىك يەلەرىن حاباردار ەتەمىز ەسەپتەلگەن سالىق سومالارى بويىنشا اقپارات 2024 جىلعى ناۋرىزدا «كاسپيي بانكى» اق جانە «حالىق بانكى» اق ءموبيلدى قوسىمشالارىن پايدالانۋشىلارعا PUSH-حابارلامالار تۇرىندە جىبەرىلەتىن بولادى. سونداي-اق، سالىق سوماسى تۋرالى اقپارات kgd.gov.kz web-پورتالداعى «جەكە تۇلعالار ءۇشىن الداعى تولەمدەر» سەرۆيسىندە، سونداي-اق «كاسپيي بانكى» اق جانە «حالىق بانكى» اق مەن «e-Salyq Azamat» ءموبيلدى قوسىمشالارىندا بولادى. اتالعان ءموبيلدى قوسىمشالاردىڭ بارلىق پايدالانۋشىلارى 2023 جىلعا ەسەپتەلگەن كولىك سالىعىن كورە الادى.
سالىق تولەۋ تاسىلدەرى جەكە تۇلعالاردىڭ كولىك سالىعىن جوعارىدا كورسەتىلگەن ءموبيلدى قوسىمشالاردا تولەۋگە بولادى. جەكە تۇلعالار سالىقتاردى باسقا جولدارمەن دە: ەكىنشى دەڭگەيدەگى بانك بولىمشەلەرىندە قولما-قول اقشا قاراجاتتارىمەن نەمەسە تولەم تەرمينالدارىندا، بانكوماتتار مەن تولەم تەرمينالدارىنداعى بانك كارتالارى ارقىلى تولەي الادى.