ادىلەت مينيسترلىگى بۇكىل ەل اۋماعىندا «سيفرلىق سوت ورىنداۋشىنى» ىسكە قوستى.
بۇل جۇيە ازاماتتاردىڭ 5 ميلليارد تەڭگەدەن استام قاراجاتىن ۇنەمدەۋگە مۇمكىندىك بەرەدى، دەپ حابارلايدى aqshamnews.kz
مۇنداي مۇمكىندىك ادىلەت مينيسترلىگىنىڭ باستاماسىمەن جەڭىلدەتىلگەن ءوندىرىستىڭ جاڭا ينستيتۋتى اياسىندا حالىق يگىلىگىنە ۇسىنىلىپ وتىر.
مەملەكەت باسشىسىنىڭ تاپسىرماسى بويىنشا ازاماتتاردىڭ كرەديتتەلۋىن تومەندەتۋ جانە ادىلەت ورگاندارىنىڭ جۇمىسىن ودان ءارى سيفرلاندىرۋ بويىنشا زاڭناماعا ءتيىستى وزگەرىستەر ەنگىزىلدى.
بۇرىن قارىزدى ۋاقتىلى وتەمەگەن جاعدايدا، ازاماتتار جەكە سوت ورىنداۋشىنىڭ قىزمەتى ءۇشىن ايىپپۇل سوماسىنا قوسىمشا 25% قاراجات تولەۋگە مىندەتتى بولعان.
ەندى ازاماتتار وسى شىعىنداردان جانە جسو-نا بارۋدان بوساتىلادى.
ماسەلەن، 20 اەك-كە دەيىنگى سوماداعى وڭايلاتىلعان وندىرىسكە ازاماتتار EGOV Mobile-دا ءىس تۋرالى ەگجەي-تەگجەيلى اقپاراتى بار 1414-تەن SMS حابارلامالار مەن push-حابارلامالار الاتىن بولادى.