وعان ايلىق ەسەپتىك كورسەتكىشتىڭ جىل سايىن كوتەرىلۋى سەبەپ.
1 قاڭتاردان باستاپ اەك 3 692 تەڭگەنى قۇرايدى. وسىعان بايلانىستى قۇجات العان كەزدە تولەنەتىن مەملەكەتتىك باج مولشەرى دە ارتادى، دەپ حابارلايدى اlmaty-akshamy.kz.
قازاقستاندىقتار جەكە كۋالىكتى 738 تەڭگەگە (0،2 اەك)، 36 بەتتەن تۇراتىن ستاندارتتى پاسپورتتى 29 536 تەڭگەگە (8 اەك) جاساتادى. ال 48 بەتتىك ءتولقۇجات ءۇشىن مەملەكەتتىك باج مولشەرى – 44 304 (12 اەك).
كەلەسى جىلى ەلىمىزدە بالالار پاسپورتى ەكى ەسە ارزاندايدى. ەندى 16 جاسقا دەيىنگى بالالارعا 24 بەتتىك پاسپورت جاساتۋ ءۇشىن مەملەكەتتىك باج 4 اەك نەمەسە 14 768 تەڭگە بولادى.
سونداي-اق نەكە قيۋ تۋرالى كۋالىك – 3 692 تەڭگە (1 اەك) جانە قايتا الۋ – 1 846 تەڭگە (0،5 اەك)، جۇرگىزۋشى كۋالىگى – 4 615 تەڭگە (1،25 اەك) جانە اجىراسۋ تۋرالى ءوتىنىش بەرۋ ءۇشىن – 7 384 تەڭگە (2 اەك) تولەيدى.
ال تۋۋ تۋرالى كۋالىك تەگىن بەرىلەدى. ءبىراق بۇل قۇجاتتى الۋعا قايتا ءوتىنىش بەرگەن جاعدايدا 1 846 تەڭگە (0،5 اەك) تولەۋ كەرەك.