كەلەر جىلدىڭ 1 قاڭتارىنان جەكە كۋالىك، پاسپورت، شەتەلدىكتىڭ قازاقستاندا تۇرۋىنا رۇقسات ەتەتىن ىقتيارحاتىن بەرۋ كەزىندە ونىڭ يەسىنەن ساۋساق ىزدەرى الىنباق، دەپ حابارلايدى Almaty-akshamy.kz.
«جادىنىڭ سىيىمدىلىعى كەمىندە 64 كب بولاتىن ميكروسحەمادا قازاقستان رەسپۋبليكاسى ازاماتىنىڭ، ونىڭ ىشىندە ادامنىڭ ازاماتتىعى مەن زاڭدى مەكەنجايى، فوتوسۋرەتى مەن قولى، 16 جاسقا تولعان جانە «داكتيلوسكوپيالىق جانە گەنومدىق تىركەۋ تۋرالى» 2016 جىلعى 30 جەلتوقسانداعى ق ر زاڭىندا بەلگىلەنگەن جاعدايلار بويىنشا 12 جاستان اسقان قۇجات يەسىنىڭ ساۋساق ىزدەرى تۋرالى گرافيكالىق جانە ماتىندىك اقپارات قورعالعان تۇردە ساقتالادى»، - دەلىنگەن اشىق نقا پورتالىندا جاريالانعان ىشكى ىستەر ءمينيسترىنىڭ بۇيىرىق-جوباسىندا.
سونداي-اق قۇجاتتا جازىلعانداي، ساۋساق ىزدەرى ازاماتتاردىڭ جەكە كۋالىگىندە، شەتەلدىكتىڭ قازاقستاندا تۇرۋىنا رۇقسات ەتەتىن ىقتيارحاتىندا، ازاماتتىعى جوق ادامنىڭ كۋالىگىنە دە ورنالاستىرىلادى.
«بۇل – «داكتيلوسكوپيالىق جانە گەنومدىق تىركەۋ تۋرالى» 2016 جىلعى 30 جەلتوقسانداعى ق ر زاڭىنا سايكەس 2024 جىلعى 1 قاڭتاردان باستاپ ساۋساق ءىزىن تىركەۋ تالابىنىڭ كۇشىنە ەنۋىنە بايلانىستى»، - دەپ تۇسىندىرمە بەرىلگەن بۇيرىق-جوباسىنا.
قۇجات 20 شىلدەگە دەيىن كوپشىلىك تالقىلاۋدا بولادى.