ۇستىمىزدەگى جىلى نۇرعايشا جارمۇقامەدوۆا 80 جاسقا تولار ەدى.
جازۋشى-دراماتۋرگ، قازاق ادەبيەتىنىڭ كلاسسيگى دۋلات يسابەكوۆتىڭ جارى نۇرعايشا جارمۇقامەدوۆا ومىردەن ءوتتى. بۇل تۋرالى ءماجىلىس دەپۋتاتى قازىبەك يسا Facebook-تاعى پاراقشاسىندا جازدى.
«ەسىمى ەلگە ايگىلى جازۋشى-دراماتۋرگ، قازاق ادەبيەتىنىڭ كلاسسيگى دۋلات يسابەكوۆتىڭ ۇيىندەگى جەڭگەمىز نۇرعايشا جارمۇقامەدوۆا قايتىس بولدى دەگەن حابار قابىرعامىزدى قايىستىرىپ كەتتى»، - دەپ جازدى قاسبەك يسا.
دەپۋتاتتىڭ ايتۋىنشا، جاقىندا عانا كوكەمىزگە سالەم بەرۋگە ۇيگە بارعاندا جارقىلداپ ءجۇرىپ قارسى الىپ، سەكسەنگە كەلسە دە، سەرگەكتىگىن كورسەتىپ، كەلىندەردەن بەتەر جۇگىرىپ، داستارقانىن جايىپ، شىعارىپ سالعان.
«ەكەۋمىز 56 جىل وتاسقان ەدىك، جايىمنىڭ بارلىعىن جاسايتىن ەدى، ەندى مەنىڭ جاعدايىمدى كىم ويلايدى؟! ەشقانداي اۋىرا قويماعان ەدى، اياق استىنان تاستاپ كەتە باردى. ەكەۋمىز بيىل سەكسەن جاسىمىزدى تويلايمىز دەپ جوسپارلاپ جۇرگەن ەدىك»، – دەدى دۋلات يسابەكوۆ.