قىتايدىڭ چەندۋ قالاسىندا ءوتىپ جاتقان ءحححى دۇنيەجۇزىلىك جازعى ۋنيۆەرسيادادا بيىكتىككە سەكىرۋدەن قازاقستاندىق سپورتشىلار نادەجدا دۋبوۆيسكايا مەن كريستينا وۆچيننيكوۆا فينالعا شىقتى.
ىرىكتەۋ جارىسىنىڭ قورىتىندىسى بويىنشا ۇزدىك ناتيجە كورسەتكەن 12 سپورتشى فينالعا شىقتى. ءار توپتا سىنعا تۇسكەن قازاقستاندىق سپورتشىلار نادەجدا دۋبوۆيسكايا مەن كريستينا وۆچيننيكوۆا سايكەسىنشە 1،84 جانە 1،80 ۇپاي جيناپ، جارىستىڭ فينالدىق كەزەڭىنە جولداما الدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
بيىكتىككە سەكىرۋ فينالىندا بارلىعى 12 سپورتشى سىنعا تۇسەدى. فينال 6 تامىزدا چەندۋ قالاسىنداعى (سىچۋان پروۆينسياسى، جۇڭگو) «شۋانليۋ» ستاديونىندا بەيجىڭ ۋاقىتىمەن 18:30-دا باستالادى.
6 تامىز كۇنگى ساعات 12:00 (جەرگىلىكتى ۋاقىت) بويىنشا قازاقستان مەدالدىق ەسەپتە 19-شى ورىندا. قازاقستان قۇراماسىنىڭ قورجىنىندا 19 مەدال بار: ەكى التىن، جەتى كۇمىس جانە 10 قولا. جۇڭگو كوش باستاپ تۇر (141 مەدال: 78 التىن، 33 كۇمىس جانە 30 قولا). ەكىنشى ورىندا جاپونيا (74:19-24-31)، ءۇشىنشى ورىندا وڭتۇستىك كورەيا (50:17-15-18).