الماتىنىڭ جاسىل قورىن قۇرۋ جانە ساقتاۋ قالا اكىمدىگى جۇمىسىنىڭ نەگىزگى باسىمدىقتارىنىڭ ءبىرى بولىپ تابىلادى. بۇل تۋرالى الماتى ءماسليحاتىنىڭ كەزەكتەن تىس XII سەسسياسىندا مەگاپوليس اكىمى ەربولات دوسايەۆ مالىمدەدى.
قالا باسشىسى اعىمداعى جىلى الاڭى 64،8 گا 6 قوعامدىق كەڭىستىك اباتتاندىرىلعانىن، 250 مىڭ اعاش پەن بۇتا وتىرعىزىلعانىن، وسى جىلدىڭ جەلتوقسان ايىنىڭ سوڭىنا دەيىن ولاردىڭ سانى 320 مىڭعا دەيىن ۇلعايتىلاتىنىن، بۇل ىلە-الاتاۋ ۇلتتىق پاركىنىڭ جاسىل جەلەكتەرىن ەسەپكە الماعاندا، ءبىر ادامعا شاققاندا جاسىل ەكپەلەردىڭ الاڭىن 11،3-تەن 12،3 شارشى مەترگە دەيىن ۇلعايتۋعا مۇمكىندىك بەرەتىنىن ايتتى.
الماتىداعى جاسىل ەكپەلەردى اۆتوجۋۋ جۇيەسى 34 سكۆاجينا مەن سۋ قابىلداعىشتاردى سالۋ ەسەبىنەن 4،4 ەسە كوپ اۋماقتى – 587 گەكتارعا دەيىن (2022 جىلى 132 گەكتاردان) قامتىدى.
"بيىل 103،5 شاقىرىم ارىق جەلىسى، 19 كوللەكتور، 9 كانال الىندى جانە رەكونسترۋكسيالانادى. اتقارىلعان جۇمىستاردىڭ ارقسانىدا سۋ باسىپ قالۋدىڭ بارلىق 102 ۋچاسكەسى جويىلدى، ولار نوسەر جاڭبىر كەزىندە ءبىزدىڭ ازاماتتارىمىزعا پروبلەما تۋدىردى. 2024 جىلدىڭ سوڭىنا دەيىن جالپى 376 شاقىرىم ارىق جەلىسى سالىنىپ، قايتا جاڭارتىلادى، وعان 10،9 ملرد تەڭگە قاراستىرىلعان"، - دەپ اتاپ ءوتتى ەربولات دوسايەۆ.
بۇدان باسقا، 2024 جىلعا ارنالعان بيۋدجەتتە الاتاۋ اۋدانىنداعى سايران كولى مەن "سوسنوۆىي بور" جاڭا جاسىل قوعامدىق كەڭىستىكتەر قۇرۋعا قارجى قاراستىرىلعان.