بۇگىنگى كۇننەن باستاپ جاستارعا جىلدىق 2،5% جەڭىلدىكپەن ميكروكرەديت بەرۋ ءۇشىن قابىلداناتىن كەپىلدى مۇلىك تۇرلەرىنىڭ تىزبەسى كەڭەيتىلدى، دەپ حابارلايدى Almaty-akshamy.kz.
بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگىنەن مالىمدەدى.
سونىمەن، كەپىلمەن قامتاماسىز ەتۋ رەتىندە قوسىمشا قابىلدانادى:
- ەكىنشى دەڭگەيدەگى بانكتەردەگى شوتتاردا ورنالاستىرىلعان اقشا قاراجاتى؛
- رەسپۋبليكالىق ماڭىزى بار قالالاردا، وبلىستىق ماڭىزى بار قالالاردا، اۋدان ورتالىقتارىندا، وبلىستىق جانە اۋداندىق باعىنىستاعى قالالاردا، سونداي-اق اۋىلداردا جانە اۋىلدىق ەلدى مەكەندەردە جىلجىمايتىن مۇلىك؛
- جەكە مەنشىك قۇقىعىنداعى/باستاپقى ۇزاق مەرزىمدى وتەۋلى جەر پايدالانۋ (جالعا الۋ) (ەگىستىك) قۇقىعىنداعى اۋىل شارۋاشىلىعى ماقساتىنداعى جەر ۋچاسكەلەرى؛
- جايىلىمداردى سۋلاندىرۋ جانە قورشاۋ ينفراقۇرىلىمى بار جەر ۋچاسكەلەرى؛
- باۋ-باقشا وسىرۋگە ارنالعان جەر ۋچاسكەلەرى؛
- مامانداندىرىلعان تەحنيكا.
ميكروكرەديتتەر بەرۋ ءتارتىبى، ميكروكرەديتتى قامتاماسىز ەتۋدىڭ نەگىزگى شارتتارى مەن تاسىلدەرى تاپسىرما شارتىندا بەلگىلەنەدى.
ميكروكرەديتتىڭ مولشەرى 5 ملن تەڭگەگە دەيىن، ال قاتىسۋدىڭ ەڭ ۇزاق مەرزىمى – 5 جىلعا دەيىن (كەز كەلگەن ماقساتقا) نەمەسە 7 جىلعا دەيىن (مال شارۋاشىلىعى سالاسىنداعى جوبالار ءۇشىن). نومينالدى سىياقى مولشەرلەمەسى – جىلدىق 2،5%-دان اسپايدى.
ميكروكرەديت 21 جاستان 35 جاسقا دەيىنگى جاستارعا ءوز كاسىبىن اشۋعا نەمەسە ونى كەڭەيتۋگە، 5 جىلدان اسپايتىن مەرزىممەن جەكە كاسىپكەر رەتىندە تىركەلگەن جاعدايدا بەرىلەدى.
سونداي-اق، ميكروكرەديت الۋشىلار ءۇشىن نەگىزگى بورىش پەن سىياقىنى وتەۋ بويىنشا جەڭىلدىكتى كەزەڭ بەرىلەدى، ول ميكروكرەديت مەرزىمى ۇزاقتىعىنىڭ ۇشتەن بىرىنەن اسپايدى.
كەپىلمەن قامتاماسىز ەتۋدىڭ بولۋى مىندەتتى شارت بولىپ تابىلادى.
جاستارعا ميكروكرەديت بەرۋ بويىنشا تولىعىراق اقپاراتپەن جانە ءجيى قويىلاتىن سۇراقتارمەن https://www.agrocredit.kz سايتىندا تانىسۋعا بولادى.
«اگرارلىق نەسيە كورپوراسياسى» اق فيليالدارىنىڭ مەكەنجايلارى https://www.agrocredit.kz/ru/main/contacts/affiliates سايتىندا كورسەتىلگەن.