ق ر پرەزيدەنتتىگىنە كانديدات مەيرام قاجىكەن اقتوبەدە مارات وسپانوۆ اتىنداعى باتىس قازاقستان مەديسينا ۋنيۆەرسيتەتىنىڭ ستۋدەنتتەرى جانە پروفەسسور-وقىتۋشىلارىمەن كەزدەستى.
م. قاجىكەن مەديسينا قىزمەتكەرلەرىنە لايىقتى ەڭبەكاقى تولەۋ قاجەتتىگىن، سونىمەن بىرگە رەسپۋبليكالىق بيۋدجەت تاراپىنان دەنساۋلىق ساقتاۋدىڭ بارلىق سالاسىن قارجىلاندىرۋ كەرەك ەكەنىن اتاپ ءوتتى، دەپ حابارلايدى Almaty-akshamy.kz.
«بۇل مەديسينا سالاسىنداعى كادرلاردىڭ جەتىسپەۋشىلىگىنە الىپ كەلەتىن وزەكتى ماسەلە. مەديسينا قىزمەتكەرلەرىنىڭ تاپشىلىعىن جويۋ ءۇشىن، دارىگەرلەردىڭ الەۋمەتتىك جانە قۇقىقتىق قورعالۋى جانە ولاردىڭ جالاقىسىن ارتتىرۋ ءۇشىن ىلكىمدى شارالار قاجەت. بۇل مەنىڭ مىندەتتەرىمنىڭ ءبىرى. بۇل دامۋدى قاجەت ەتەتىن الەۋمەتتىك سەرىكتەستىكتىڭ مىندەتى»، - دەدى ۇمىتكەر.
سونداي-اق مەيرام زەكەش ۇلى دۇنيەجۇزىلىك دەنساۋلىق ساقتاۋ ۇيىمى بۇل سالانى ەلدەگى ءجىو-نىڭ 6% - كولەمدە قارجىلاندىرۋدى ۇسىناتىنىن مىسال ەتتى. «ال بىزدە قارجىلاندىرۋ ءجىو-نىڭ 1،4 پايىزىن قۇرايدى. زور ايىرماشىلىق بايقالادى»، - دەدى م. قاجىكەن.
بولاشاق مامانداردى تۇرعىن ءۇي ساتىپ الۋ جانە جۇمىسقا ورنالاسۋ مۇمكىندىگى سياقتى تاقىرىپتار دا قىزىقتىردى.
«مەنىڭ باعدارلامامدا جاستارعا ەرەكشە كوڭىل بولىنەتىنى اتاپ ءوتىلدى. ويتكەنى ولار ەلىمىزدىڭ بولاشاعىن قۇرۋدا. جاستارعا بارلىق جولداردى اشىپ، ءوزىن-وزى دامىتۋعا، ءۇي ساتىپ الۋعا، كاسىبي كارەراسىن قۇرۋعا بارلىق مۇمكىندىكتەر جاراتۋىمىز قاجەت. ويتكەنى، ادام الەۋمەتتىك ماسەلەلەرگە قانشالىقتى از كوڭىل بولسە، سوعۇرلىم ول جۇمىسقا جانە ءوزىنىڭ كاسىبيلىگىن ارتتىرۋعا كوپ كوڭىل بولەدى. بۇل جالپى ەل ەكونوميكاسىنا اسەر ەتەدى»، - دەدى ول.
كەزدەسۋ سوڭىندا م.قاجىكەن اقتوبەدە سايلاۋشىلاردىڭ سۇراقتارى مەن تىلەكتەرىن قابىلدايتىن شتاب جۇمىس ىستەيتىنىن ايتتى. سەنىم بىلدىرىلگەن ادامدار كانديداتتىڭ سايلاۋالدى تۇعىرناماسى تۋرالى تولىعىراق ايتىپ، ونىڭ اتىنا ازاماتتاردىڭ وتىنىشتەرىن قابىلداي الادى.