2023 جىلعى 7 جەلتوقسانداعى جاعداي بويىنشا «اگرارلىق نەسيە كورپوراسياسى» اق-عا كاسىپكەرلىك باستامالاردى ىسكە اسىرۋ ءۇشىن جاستارعا بەرىلەتىن جىلدىق مولشەرلەمەسى 2،5%-دىق جەڭىلدەتىلگەن ميكروكرەديتتەر الۋعا 7،4 مىڭ ءوتىنىم ءتۇستى.
بيىل جالپى 5 796 ميكروكرەديت بەرۋ جوسپارلانعان. ءقازىردىڭ وزىندە 5 496 جوبا ماقۇلداندى، دەپ حابارلايدى اlmaty-akshamy.kz.
ميكروكرەديتتىڭ مولشەرى 5 ملن تەڭگەگە دەيىن، ال قاتىسۋدىڭ ەڭ ۇزاق مەرزىمى – 5 جىلعا (كەز كەلگەن ماقساتقا) نەمەسە 7 جىلعا دەيىن (مال شارۋاشىلىعى سالاسىنداعى جوبالار ءۇشىن). نومينالدى سىياقى مولشەرلەمەسى – جىلدىق 2،5%-دان اسپايدى.
ميكروكرەديت الۋعا وتىنىمدەردىڭ ەڭ كوبى تۇركىستان (1014)، جامبىل (786)، قىزىلوردا (642) وبلىستارىنان، استانا (548)، شىمكەنت (498) قالالارىنان ءتۇستى.
كونكۋرستىق كوميسسيالاردىڭ شەشىمىمەن 5 496 جوبا ماقۇلداندى، ونىڭ ىشىندە 5 068 جوبانى ىسكە اسىرۋعا كرەديت بەرىلدى. كرەديت الۋشىلاردىڭ باسىم كوپشىلىگى مال شارۋاشىلىعى، قىزمەت كورسەتۋ، ساۋدا، وسىمدىك شارۋاشىلىعى جانە جەڭىل ونەركاسىپ سالاسىن قامتىدى.
سونداي-اق، ميكروكرەديت 21 جاستان 35 جاسقا دەيىنگى جاستارعا ءوز كاسىبىن اشۋعا نەمەسە ونى كەڭەيتۋگە، 5 جىلدان اسپايتىن مەرزىممەن جەكە كاسىپكەر رەتىندە تىركەلگەن جاعدايدا بەرىلەدى. بۇل رەتتە قاتىسۋشىلاردىڭ «اگرارلىق نەسيە كورپوراسياسى» اق-عا وتىنىممەن جۇگىنگەن ۋاقىتتاعى جاسى ەسكەرىلەدى.
ميكروكرەديت الۋشىلار ءۇشىن نەگىزگى بورىش پەن سىياقىنى وتەۋ بويىنشا جەڭىلدىكتى كەزەڭ بەرىلەدى، ول ميكروكرەديت مەرزىمى ۇزاقتىعىنىڭ ۇشتەن بىرىنەن اسپايدى.
كەپىلمەن قامتاماسىز ەتۋدىڭ بولۋى مىندەتتى شارت بولىپ تابىلادى. اعىمداعى جىلدىڭ 4-قىركۇيەگىنەن باستاپ جاستارعا جىلدىق 2،5% جەڭىلدىكپەن ميكروكرەديت بەرۋ ءۇشىن قابىلداناتىن كەپىلدى مۇلىك تۇرلەرىنىڭ تىزبەسى كەڭەيتىلگەن.
سونىمەن، كەپىلمەن قامتاماسىز ەتۋ رەتىندە قوسىمشا قابىلدانادى:
- ەكىنشى دەڭگەيدەگى بانكتەردەگى شوتتاردا ورنالاستىرىلعان اقشا قاراجاتى؛
- رەسپۋبليكالىق ماڭىزى بار قالالاردا، وبلىستىق ماڭىزى بار قالالاردا، اۋدان ورتالىقتارىندا، وبلىستىق جانە اۋداندىق باعىنىستاعى قالالاردا، سونداي-اق اۋىلداردا جانە اۋىلدىق ەلدى مەكەندەردە جىلجىمايتىن مۇلىك؛
- جەكە مەنشىك قۇقىعىنداعى/باستاپقى ۇزاق مەرزىمدى وتەۋلى جەر پايدالانۋ (جالعا الۋ) (ەگىستىك) قۇقىعىنداعى اۋىل شارۋاشىلىعى ماقساتىنداعى جەر ۋچاسكەلەرى؛
- جايىلىمداردى سۋلاندىرۋ جانە قورشاۋ ينفراقۇرىلىمى بار جەر ۋچاسكەلەرى؛
- باۋ-باقشا وسىرۋگە ارنالعان جەر ۋچاسكەلەرى؛
- مامانداندىرىلعان تەحنيكا.
كەپىلمەن قامتاماسىز ەتۋ بولماعان جاعدايدا كەپىل بەرۋشىنى (اتا-انالارىن، تۋىستارىن جانە ت.ب.) تارتۋعا بولادى.
ءوتىنىم بەرۋ ءۇشىن قۇجاتتار پاكەتىن «اگرارلىق نەسيە كورپوراسياسى» اق فيليالىنا تاپسىرۋ قاجەت.
قاجەتتى قۇجاتتار ءتىزىمى:
- جەكە باسىن كۋالاندىراتىن قۇجات؛
- جوبا بويىنشا بيزنەس-جوسپار؛
- شوتتىڭ بولۋى تۋرالى قىزمەت كورسەتەتىن بانكتەن انىقتاما؛
- كرەديتتىك بەرەشەكتىڭ، ونىڭ ىشىندە قارجى ۇيىمدارىنان مەرزىمى وتكەن بەرەشەكتىڭ بولۋى تۋرالى انىقتاما (كرەديتتەر بولعان كەزدە)؛
- قاتىسۋشىنىڭ/ۇمىتكەردىڭ جالاقىسىن جانە (نەمەسە) وزگە دە تابىستارىن راستايتىن قۇجات (جيناقتاۋشى زەينەتاقى قورىنان ءۇزىندى كوشىرمە) بولعان كەزدە؛
- كەپىلدى قامتاماسىز ەتۋ رەتىندە بەرىلەتىن مۇلىكتى باعالاۋ تۋرالى ەسەپ؛
- كەپىل بەرۋشى جانە كەپىلمەن قامتاماسىز ەتۋ جونىندەگى قۇجاتتار.
ميكروكرەديتتەر تومەندە كورسەتىلگەن تىزىمدەگىلەردى قوسپاعاندا:
- تۇرعىن جىلجىمايتىن مۇلىكتى (ونىڭ ىشىندە مالشىلار ءۇشىن ۋاقىتشا/تۇراقتى تۇرعىن ۇيلەردى) ساتىپ الۋ، سالۋ نەمەسە جوندەۋ، جەر ۋچاسكەلەرىن ساتىپ الۋ (كەز كەلگەن نىسانالى ماقساتپەن)؛
- باعالى قاعازداردى ساتىپ الۋ (پورتفەلدىك ينۆەستيسيالار)؛
- قارۋدى (ونىڭ ىشىندە قارۋ وندىرۋگە ارنالعان قۇرامداس بولىكتەردى)، قۇرامىندا ەسىرتكى بار زاتتاردى نەمەسە ازاماتتىق اينالىمنان الىنعان باسقا دا مۇلىكتى ءوندىرۋ نەمەسە ساتىپ الۋ؛
- ويىن بيزنەسىن ۇيىمداستىرۋ جانە (نەمەسە) دامىتۋ؛
- قازاقستان رەسپۋبليكاسىنىڭ زاڭناماسىندا تىيىم سالىنعان تەرروريستىك جانە كەز كەلگەن وزگە دە قىزمەتكە بايلانىستى قىزمەت؛
- موتورلى كولىك قۇرالدارىن شىعارۋدى جانە ءوز وندىرىسىندەگى جۇزىمنەن شاراپ ءوندىرۋدى، سونداي-اق تەمەكى جانە\نەمەسە الكوگول ونىمدەرىن ساتىپ الۋدى كوزدەيتىن جوبالار، اكسيزدەلەتىن تاۋارلاردى/ونىمدەردى شىعارۋ؛
- كرەديتورلىق بەرەشەكتى وتەۋ؛
- بيزنەستى جۇرگىزۋگە بايلانىستى ەمەس جەكە تۇتىنۋشىلىق ماقساتتاردان باسقا كەز كەلگەن ماقساتقا بەرىلەدى.
ميكروكرەديتتەر ارنايى كوميسسيانىڭ شەشىمى نەگىزىندە بەرىلەدى، ونىڭ وتىرىستارىندا ۇمىتكەرلەر وزدەرىنىڭ بيزنەس-جوبالارىن تانىستىرادى.
وسىلايشا، ميكروكرەديت بەرۋ تۋرالى شەشىم كوميسسيالىق جانە ناقتى ءىس-قيمىل جوسپارىمەن وزەكتى، دالەلدى، ەكونوميكالىق نەگىزدەلگەن، قوعامدىق ماڭىزى بار، ومىرشەڭ بولۋى ءتيىس جوبانىڭ پىسىقتالۋىن باعالاۋدىڭ ناقتى كريتەرييلەرى نەگىزىندە قابىلدانادى.
قازىرگى ۋاقىتتا ميكروكرەديتتەر الۋعا وتىنىمدەر بارلىق وبلىستارمەن استانا، الماتى جانە شىمكەنت قالالارىندا قابىلدانۋدا.
«اگرارلىق نەسيە كورپوراسياسى» اق فيليالدارىنىڭ مەكەنجايلارىن مىنا سايتتا كورسەتىلگەن https://www.agrocredit.kz