الماتىدا رەسپۋبليكا كۇنىنە وراي «كوك تۋدىڭ جەلبىرەگەنى» ولەڭىنىڭ اۆتورى، اقىن الماس احمەتبەكۇلىمەن وقىرمانداردىڭ كەزدەسۋى ۇيىمداستىرىلدى.
شارا بارىسىندا وقىرماندار اقىنمەن ەركىن سۇحبات قۇرىپ، وزدەرىن تولعاندىرعان سۇراقتارعا جاۋاپ الدى. كەزدەسۋ سوڭىندا جاستار دەمەۋشىلەردىڭ قولىنان «كىتاپ-AMANAT» دۇكەنىنەن سىيلىققا قالاعان كىتابىن الدى.
«كىتاپ-AMANAT» جوباسىنىڭ ماقساتى – وقىرمانداردى قول جەتىمدى باعاداعى ءتيىستى كىتاپ قورىمەن قامتاماسىز ەتۋ. بۇل سونداي-اق اقىن-جازۋشىلار مەن عالىمدارعا دا وقىرمانمەن قاۋىشۋعا جاقسى مۇمكىندىك.
- بۇگىن ءىس-شاراعا ءبىز ارنايى جاستاردى شاقىردىق. ەندى وزەكتىلىگىن كورسەتتى. مەنىڭ قۋانىشىما جاستارىمىز ەندى وتە بەلسەندى. ءارتۇرلى سۇراقتاردى قويىپ جاتىر، - دەيدى قالالىق ءماسليحاتتىڭ دەپۋتاتى ءاسيا احانوۆا.