ىشكى ىستەر مينيسترلىگى جاستار اراسىنداعى كيبەرقىلمىسپەن، ونىڭ ىشىندە "swatting" دەپ اتالاتىن (تەراكت، جارىلعىش زات قويىلدى دەگەن نەمەسە وزگە دە توتەنشە وقيعالار تۋرالى جالعان حابارلامالار) قۇقىققا قايشى ارەكەتتەرمەن كۇرەس ماسەلەلەرىنە ەرەكشە نازار اۋدارادى، - دەپ حابارلايدى Aqshamnews.kz.
قوعامدىق ءتارتىپتى بۇزۋعا جانە حالىقتى ۇرەيلەندىرۋگە باعىتتالعان مۇنداي زاڭسىز ارەكەتتەردى انىقتاۋ جانە جولىن كەسۋ بويىنشا كەشەندى شارالار قابىلدانۋدا. ءبىلىم بەرۋ ۇيىمدارىندا پروفيلاكتيكالىق جۇمىسقا، سونداي-اق مەكتەپ وقۋشىلارى مەن ستۋدەنتتەر اراسىندا دەسترۋكتيۆتى ينتەرنەت-ترەندتەردىڭ تارالۋىنا جول بەرمەۋگە ەرەكشە كوڭىل بولىنەدى.
- ىشكى ىستەر مينيسترلىگىنىڭ كيبەرقىلمىسقا قارسى ءىس-قيمىل بولىنىستەرى جەدەل-ىزدەستىرۋ شارالارى بارىسىندا مەكتەپتەر مەن ساۋدا-ويىن-ساۋىق ورتالىقتارىنا جارىلعىش زات قويۋ تۋرالى جالعان حابارلامالار تاراتقان ادامداردى انىقتاپ، ۇستادى. مىسالى، اعىمداعى جىلدىڭ تامىز ايىندا قازاقستان رەسپۋبليكاسى ءىىم كيبەرپوليسيا قىزمەتكەرلەرى شەشەن رەسپۋبليكاسىنىڭ ىىم-مەن بىرلەسىپ، قازاقستان اۋماعىندا تەراكت تۋرالى جالعان اقپارات تاراتقان رەسەيدىڭ كامەلەتكە تولماعان ازاماتىن قۇرىقتادى، - دەدى ءىىم كيبەرقىلمىسقا قارسى ءىس-قيمىل دەپارتامەنتى باستىعىنىڭ ورىنباسارى اسلان وسكەمبايەۆ.
9 قىركۇيەكتە بالقاش قالاسىندا مەكتەپ، ساۋدا ورتالىعى جانە تاعى دا باسقا مەكەن-جايلارعا جارىلعىش زات قويىلعانى تۋرالى 63 حابارلاما جاساعان 15-16 جاستاعى ەكى جەرگىلىكتى تۇرعىن ۇستالدى.
14 قازاندا قازاقستان رەسپۋبليكاسى ءىىم جانە رەسەي فەدەراسياسى ءىىم-نىڭ ساحا رەسپۋبليكاسى بويىنشا بولىنىستەرى بىرلەسكەن وپەراسيا جۇرگىزىپ، ينتەرنەتتىڭ رەسەيلىك سەگمەنتىندە ۇلتارالىق ارازدىقتى قوزدىرۋعا باعىتتالعان ماتەريالدار مەن ەكى ەل اۋماعىنداعى تەراكت تۋرالى جالعان حابارلامالار تاراتقان استانا قالاسىنىڭ كامەلەتكە تولماعان تۇرعىنىن ۇستادى.
25 قازاندا اقتاۋ قالاسىندا Telegram مەسسەندجەرى ارقىلى "اقتاۋ" ساۋدا ورتالىعىنا بومبا قويىلعانى تۋرالى حابارلاما جاساعان 18 جاستاعى جەرگىلىكتى تۇرعىن ۇستالدى.
14 قاراشادا تاراز قالاسىنىڭ كامەلەتكە تولماعان تۇرعىنى قۇرىقتالدى. ول قالاداعى مەكتەپتەر مەن ساۋدا ورتالىعىندا جارىلعىش زاتتىڭ قويىلعانى تۋرالى ءۇش جالعان حابارلاما جاساعان.
15 قاراشادا اقتوبە قالاسىندا كامەلەتكە تولماعان بالا ءۇش مەكتەپتە تەراكت دايىندالۋدا دەگەن جالعان حابارلامالاردى تاراتۋ كۇدىگىمەن ۇستالدى.
20 قاراشا استانا قالاسىندا WhatsApp مەسسەندجەرى ارقىلى مەكتەپتە تەراكت دايىندالۋدا دەگەن جالعان حابارلامالاردى تاراتقان ءجاسوسپىرىم انىقتالدى. اتالعان فاكتىلەر بويىنشا سوتقا دەيىنگى تەرگەپ-تەكسەرۋ جۇرگىزىلۋدە.
- ىشكى ىستەر مينيسترلىگى "swatting" جانە توتەنشە جاعدايلار تۋرالى كەز كەلگەن جالعان حابارلاما اۋىر قىلمىس بولىپ سانالاتىنىن جانە 5000 ايلىق ەسەپتىك كورسەتكىشكە دەيىن ايىپپۇل نەمەسە 5 جىلعا دەيىن باس بوستاندىعىنان ايىرۋ جازاسى قاراستىرىلاتىنىن ەسكە سالادى. اتا-انالاردى، پەداگوگتاردى جانە جاستاردى كۇماندى ينتەرنەت-ترەندتەرگە ەرمەۋگە جانە مۇنداي "ازىلدەردىڭ" قوعامعا دا، جاسوسپىرىمدەردىڭ تاعدىرىنا دا زيان كەلتىرەتىنىن ۇمىتپاۋعا شاقىرامىز، - دەدى اسلان وسكەمبايەۆ.