قاسىم-جومارت توقايەۆ «جاستار ىس-تاجىريبەسى»، «العاشقى جۇمىس ورنى» جوبالارىنا قاتىسۋدىڭ مەرزىمىن ۇزارتىپ، ەڭبەكاقىسىن كوبەيتۋ مۇمكىندىكتەرىن قاراستىرۋدى تاپسىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جۇمىسسىزدىق دەڭگەيىن تۇسىرۋگە ەرەكشە نازار اۋدارۋ كەرەك. اسىرەسە، جاستار اراسىندا. جوعارى وقۋ ورىندارىنىڭ، كوللەدجدەردىڭ تۇلەكتەرى، اسىرەسە، ءبىلىمى جوق جاستاردىڭ تۇراقتى جۇمىسقا ورنالاسۋ مۇمكىندىگى ءاردايىم بولا بەرمەيدى. مۇنى ءبىز جاقسى بىلەمىز. كەزدەيسوق ناپاقامەن كۇن كورىپ ءجۇر. كەيبىرەۋلەرى تابىس ىزدەپ ءجۇرىپ زاڭننان اتتاپ كەتۋى مۇمكىن»، - دەگەن مەملەكەت باسشىسى جاستاردىڭ باستامالارىنا قولداۋ ءبىلدىرۋدىڭ جاڭا تەتىكتەرى كەرەك ەكەنىن اتادى.
«ۇكىمەتكە «جاستار ىس-تاجىريبەسى» جانە «العاشقى جۇمىس ورنى» جوبالارىنا قاتىسۋدىڭ مەرزىمىن سوزىپ، ەڭبەكاقىسىن كوتەرۋ مۇمكىندىگىن قاراستىرۋدى تاپسىرامىن. حالىقتىڭ الەۋمەتتىك وسال توبىنداعى جاستاردىڭ ىسكەرلىك باستالامالارىن ىسكە اسىرۋعا جاعداي جاساۋ ماڭىزدى»، - دەدى پرەزيدەنت.