بالالار مەن جاسوسپىرىمدەر اراسىنداعى قۇقىق بۇزۋشىلىقتىڭ الدىن الۋ، كامەلەتكە تولماعاندار اراسىنداعى قىلمىستىڭ وسۋىنە جول بەرمەۋ قازىرگى تاڭدا كوكەيتەستى ماسەلەلەردىڭ بىرىنە اينالىپ وتىر، دەپ حابارلايدى almaty-akshamy.kz Polisia.kz. سىلتەمە جاساپ،
كامەلەتكە تولماعاندارمەن جانە ولارعا قارسى جاسالاتىن قىلمىستاردىڭ الدىن الۋ باعىتىندا قىزىلوردالىق پوليسەيلەرمەن ءتيىستى جۇمىستار اتقارىلدى. وبلىس كولەمىندە كامەلەتكە تولماعاندارمەن جانە ولارعا قارسى جاسالاتىن قىلمىستاردىڭ الدىن-الۋ ماقساتىندا “ءجاسوسپىرىم”، “تۇنگى قالاداعى بالالار”، “بالا-زاڭ-قاۋىپسىزدىك” اتتى جەدەل پروفيلاكتيكالىق ءىس-شارالارى، “مەن جانە مەنىڭ پوليسەيىم”، “ابايلاڭىز بالالار” اتتى اكسيالار وتكىزىلدى.
ناتيجەسىندە 6251 قۇقىق بۇزۋشى ىشكى ىستەر ورگاندارىنا جەتكىزىلسە، ونىڭ ىشىندە 231ء-ى كامەلەتكە تولماعانداردى بەيىمدەۋ ورتالىعىنا جاتقىزىلدى، 53 ءجاسوسپىرىم قىلمىس جاساعاندارى ءۇشىن ۇستالدى. سونداي-اق تۇنگى ۋاقىتتا زاڭدى وكىلىنسىز تۇرعىن-جايدان تىس جەردە جۇرگەن 4700 كامەلەتكە تولماعانداردىڭ زاڭدى وكىلدەرى اكىمشىلىك جاۋاپكەرشىلىككە تارتىلدى. رەيد بارىسىندا كامەلەتكە تولماعانداردىڭ تۇنگى ۋاقىتتا ويىن-ساۋىق مەكەمەلەرىندە بولۋىنا جول بەرگەن 112 كاسىپكەر، كامەلەتتىك جاسقا تولماعاندارعا جانە كامەلەتكە تولماعانداردىڭ تەمەكى بۇيىمدارىن ساتۋ دەرەگى بويىنشا 6 تۇلعاعا، جاسوسپىرىمگە الكوگول ءونىمىن ساتقانى ءۇشىن 9 ساتۋشى اكىمشىلىك جاۋاپكەرشىلىككە تارتىلدى.
بالالاردىڭ تاربيەسىمەن اينالىسپاي، اتا-انالىق مىندەتتەرىن ورىنداماعان 8 اتا-انا سوت قۇزىرىمەن اتا-انالىق قۇقىعىنان ايىرىلسا، 6 اتا-انانىڭ اتا-انالىق قۇقىعى شەكتەلدى. 5 كامەلەتكە تولماعان وبلىستىق ديەۆيانتتى مىنەز-قۇلىقتى بالالارعا ارنالعان مەكتەپ-ينتەرناتىنا جانە 2 ءجاسوسپىرىم “اباي وبلىسىنىڭ ەرەكشە رەجيمدە ۇستايتىن ارنايى مەكتەپ-ينتەرناتىنا” ورنالاستىرىلدى.