جەتىسۋ وڭىرىندە ءجاسوسپىرىمدى زورلادى دەگەن كۇدىكتى تاۋدا ۇستالدى
بۇگىن تاۋلى ايماقتا شەكاراشىلار كامەلەتكە تولماعان وقۋشى قىزعا قاتىستى سەكسۋالدىق سيپاتتاعى ارەكەتتەردى جاسادى دەگەن كۇدىكپەن وبلىس تۇرعىنىن ۇستادى، دەپ حابارلايدى اlmaty-akshamy.kz.
ايتا كەتەرلىگى، جەتىسۋ وبلىسىندا ءمۇعالىم وقۋشىنى زورلادى دەگەن كۇدىككە ىلىنگەن بولاتىن. ءسويتىپ، وعان 7 قاراشادان باستاپ ىزدەۋ جاريالانعان بولاتىن.
سارقاند اۋدانىنا قاراستى مەكتەپتەرىنىڭ بىرىندە 14 جاستاعى وقۋشىنى زورلادى دەگەن كۇدىكپەن سارقاند قالاسىنىڭ 35 جاستاعى تۇرعىنىنا ىزدەۋ جاريالانعان بولاتىن. كۇدىكتى 10 جىل بويى ماتەماتيكا ءپانىنىڭ ءمۇعالىمى بولىپ جۇمىس ىستەگەن. قىلمىسكەر وقۋشىنىڭ جەزدەسى ەكەنى بەلگىلى بولدى. قىلمىس قالاداعى قوناق ۇيلەردىڭ بىرىندە ورىن العان. قوناق ءۇي اكىمشىسى بولمەلەردىڭ بىرىنەن كومەك سۇراپ شاقىرعان داۋىستى ەستىپ جۇگىرىپ كەلىپ، قىزدى بوساتىپ الادى. ارتىنشا بولعان جايدى بايانداپ پوليسياعا حابارلاسقان. الايدا قىلمىسكەر وقيعا ورنىنان قاشىپ كەتكەن. قىلمىسكەردىڭ كولىگىن كوپ ۇزاماي سارقاند قالاسىنىڭ ماڭىنداعى تاۋ ەتەگىنەن تاپقان.
ۇستالعان كۇدىكتى پوليسياعا تاپسىرىلىپ، ۋاقىتشا ۇستاۋ يزولياتورىنا قامالدى.