قازاقستاندا بالالار ەڭبەگىن زاڭسىز پايدالانۋدان قورعايتىن ارنايى ەرەجەلەر بار.
14 جاستان 16 جاسقا دەيىنگى جاسوسپىرىمدەرگە اپتاسىنا 24 ساعاتتان ارتىق جۇمىس ىستەۋگە رۇقسات ەتىلمەيدى، دەپ حابارلايدى aqshamnews.kz وقۋ-اعارتۋ مينيسترلىگىنىڭ باسپا ءسوز قىزمەتىنە سىلتەمە جاساپ.
"ەگەر ءجاسوسپىرىم 16 – 18 جاستا بولسا، 36 ساعاتقا دەيىن جۇمىس ىستەۋگە رۇقسات ەتىلگەن. ءبىراق جۇمىس دەنساۋلىققا زيانسىز، ءقاۋىپسىز ورتادا ءوتۋى جانە جاسوسپىرىمگە شامادان تىس اۋىرتپالىق تۇسىرمەۋى ءتيىس"،- دەلىنگەن اقپاراتتا.
سونداي-اق جۇمىس ىستەۋ ءۇشىن اتا-اناڭنىڭ رۇقساتى مەن كەلىسىمىنىڭ بولۋى مىندەتتى.
تاعى ءبىر ەسكەرەتىن جايت:
"ەڭبەك زاڭناماسىنا سايكەس، تۇنگى ۋاقىتتا – ساعات 22:00-دەن 6:00-گە دەيىن جۇمىس ىستەۋگە، قوسىمشا جۇكتەمەمەن ەڭبەك ەتۋگە، سونداي-اق ءقاۋىپتى ءارى زياندى جاعدايلاردا جۇمىس جاساۋعا قاتاڭ تىيىم سالىنادى".