بۇل ددسۇ جۇرگىزگەن ساۋالنامانىڭ ناتيجەسى.
ساۋالناماعا قاتىسقان ەۋروپا جاسوسپىرىمدەرىنىڭ 30 پايىزى COVID-19 پاندەمياسىنىڭ پسيحيكالىق دەنساۋلىعىنا كەرى اسەر ەتكەنىن ايتقان، دەپ حابارلايدى Almaty-akshamy.kz
بۇل جونىندە ۇيىمنىڭ سايتىندا جاريالانعان ددسۇ-نىڭ ەۋروپالىق ايماقتىق بيۋروسىنىڭ بايانداماسىندا ايتىلعان. باعالاۋ كريتەرييى رەتىندە رەسپوندەنتتەردىڭ مەكتەپتەگى ۇلگەرىمى الىنىپتى.
الىنعان مالىمەتتەرگە سايكەس، 2020 جىلعى قاڭتار مەن 2022 جىلعى جەلتوقسان ارالىعىندا 22 ەل مەن وڭىردە ورتا ەسەپپەن مەكتەپتەر 138 كۇنگە جابىلعاە، بۇل جاسوسپىرىمدەردىڭ پسيحيكالىق جاي-كۇيىنە عانا ەمەس، سونىمەن قاتار بىلىمىنە دە ايتارلىقتاي اسەر ەتكەن.
پسيحيكالىق جاي-كۇيگە ارنالعان ساۋالنامادا جاستاردىڭ 30%-ى پاندەميا پسيحيكالىق دەنساۋلىعىنا تەرىس اسەر ەتكەنىن، ال جاسوسپىرىمدەردىڭ 16%-ى ومىرگە قاناعاتتانۋ دەڭگەيى تومەن ەكەنىن جانە پسيحولوگيالىق جانە فيزيكالىق پروبلەمالار كوپ ەكەنىن ايتقان. اسىرەسە 15 جاسقا تولماعان قىزدار وسىلاي جاۋاپ بەرگەن
رەسپوندەنتتەردىڭ 38 پايىزى پاندەميا پسيحيكاسىنا ەش اسەر ەتپەدى دەپ ەسەپتەيدى ەكەن.