حالىقارالىق اقپاراتتىق تەحنولوگيالار ۋنيۆەرسيتەتى «University Alliance of Science and Technology» اليانسىمەن بىرلەسىپ قازاقستاندا جاساندى ينتەللەكت بويىنشا العاشقى جازعى مەكتەپ وتكىزۋدە، دەپ حابارلايدى Almaty-akshamy.kz.
بۇعان دەيىن پرەزيدەنت قاسىم-جومارت توقايەۆ «Digital Bridge 2023» فورۋمىندا ءبىلىم بەرۋ باعدارلامالارىن جي ەنگىزۋ ارقىلى ترانسفورماسيالاۋ قاجەتتىلىگىن اتاپ وتكەن بولاتىن. جازعى مەكتەپ «AI: يننوۆاسيا، ترانسفورماسيا جانە بولجامدار» دوڭگەلەك ۇستەلىنەن باستالدى. كەزدەسۋدە حاتۋ بازاسىندا «جاساندى ينتەللەكت» جاڭا ءبىلىم بەرۋ باعدارلاماسى اياسىندا ستۋدەنتتەردى وقىتاتىن كادرلاردى ترانسفورماسيالاۋ قاجەتتىلىگى تالقىلاندى.
جيىنعا حاتۋ، قبتۋ، UIB، Astana IT University وكىلدەرى، شەتەلدىك سپيكەرلەر – گازي ۋنيۆەرسيتەتىنەن (تۇركيا) ع.چەتين، كييەۆ ۇلتتىق قۇرىلىس جانە ساۋلەت ۋنيۆەرسيتەتىنىڭ جوبالاردى باسقارۋ كافەدراسىنىڭ مەڭگەرۋشىسى س.بۋشۋيەۆ، ءازىربايجان جوبالاردى باسقارۋ قاۋىمداستىعىنىڭ باسشىسى ي.بابايەۆ قاتىسىپ، تالقىلاۋ جاسادى.
جازعى مەكتەپ 100-دەن استام تىڭداۋشىنى جيناپ، 27 ماۋسىمعا دەيىن جالعاسادى.